باستى اقپاراتجاڭالىقتار

استانادا مەكتەپ جابدىقتارىن ساتۋعا ارنالعان جارمەڭكە ءوتتى

جاڭا وقۋ جىلى قارساڭىندا قالالىق الاڭدا مەكتەپ جابدىقتارىن ساتۋعا ارنالعان جارمەڭكە ءوتتى. ەكى كۇنگە سوزىلعان شاراعا 10 مىڭداي ادام قاتىسىپ, 17 ملن 900 مىڭ تەڭگەنىڭ تاۋارى ساتىلدى.

ەكر15ك65ە1

جىل سايىن داستۇرگە اينالعان جوبا مەكتەپكە كەرەك جابدىقتاردى حالىققا تومەندەتىلگەن باعامەن ۇسىنۋدى كوزدەيدى.  مەكتەپ جارمەڭكەسىندە استانا, الماتى, قاراعاندى جانە شىمكەنت قالالارىنىڭ وندىرۋشىلەرى ءوز تاۋارلارىن ۇسىندى.  21 ساۋدا ورنى قۇرىلىپ, وندا  مەكتەپ فورماسى, سپورتتىق كوستيۋمدەر مەن اياق كيىمدەر جانە كەڭسە زاتتارى مەن كىتاپتار 10-50% جەڭىلدىكپەن ساتىلدى.

«بيىلعى جارمەڭكەگە 13 وتاندىق جانە 1 شەتەلدىك كاسىپورىن قاتىستى.

تۇرمىسى تومەن جانە كوپ بالالى وتباسىلارعا كومەكتەسۋگە باعىتتالعان شارادا مەكتەپ قۇرالدارى مەن كيىمدەر نارىقتاعى باعادان ارزان ساتىلدى.

جارمەڭكە كەزىندە حالىققا كەڭەس بەرەتىن قوعامدىق قابىلداۋ ءبولىمى جۇمىس ىستەدى. ونداعى ماماندار مەكتەپكە قابىلداۋ, وقۋلىق, كيىم ماسەلەسىنە قاتىستى كوپشىلىكتىڭ ساۋالدارىنا جاۋاپ بەردى.

سونىمەن قاتار, وقۋشىلار سارايىنىڭ, مۋزىكا جانە ونەر مەكتەپتەرى ۇجىمدارىنىڭ قاتىسۋىمەن كونتسەرتتىك باعدارلاما ۇسىنىلدى. مۇنىڭ ءبارى جىل سايىنعى «مەكتەپكە جول» رەسپۋبليكالىق اكتسياسى اياسىندا ءوتتى», – دەدى قالالىق ءبىلىم باسقارماسىنىڭ كامەلەت جاسقا تولماعانداردىڭ قۇقىقتارىن قورعاۋ ءبولىمىنىڭ باسشىسى ءلاززات ورىنباساروۆا.

گۇلميرا شارحانقىزى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button