ەل تىنىسى

استانادا پوليتسيا قىزمەتكەرلەرىن كاسىپتىك دايارلاۋ قالاي جۇرگىزىلەدى؟

ەلوردادا ىشكى ىستەر ورگاندارى قىزمەتكەرلەرىنىڭ كاسىبي قىزمەتتىك جانە دەنە شىنىقتىرۋ دايىندىعىن ارنايى جانە جۇمىلدىرۋ دايارلىعى باسقارماسى جۇرگىزەدى, دەپ حابارلايدى astana-akshamy.kz

بولىمشەنىڭ جۇمىسى تۋرالى وكق بريفينگىندە باسقارما باستىعىنىڭ ورىنباسارى ەرجان امانتاەۆ ايتىپ بەردى.

ارنايى جانە جۇمىلدىرۋ دايىندىعى باسقارماسى استانا پوليتسيا دەپارتامەنتىنىڭ قۇرىلىمدىق بولىمشەسى بولىپ سانالادى.

«باسقارمانىڭ نەگىزگى مىندەتى ىشكى ىستەر ورگاندارى قىزمەتكەرلەرىنىڭ كاسىبي قىزمەتتىك جانە دەنە شىنىقتىرۋ دايىندىعىن ۇيىمداستىرۋ بولىپ سانالادى, بۇل – ءىىو قىزمەتكەرلەرىنىڭ ءىىو-عا جۇكتەلگەن مىندەتتەردى ءتيىمدى ورىنداۋ ءۇشىن قاجەتتى كاسىبي ءبىلىمى مەن داعدىلارىن بەكىتۋگە جانە جەتىلدىرۋگە باعىتتالعان ماقساتتى پروتسەسس», – دەدى سپيكەر.

ءىىو قىزمەتكەرلەرىنىڭ كاسىبي قىزمەتتىك جانە دەنە شىنىقتىرۋ دايارلىعى مىناداي تۇرلەردى قامتيدى:

– قىزمەتتىك دايارلىق: قر نورماتيۆتىك قۇقىقتىق اكتىلەرى, سونداي-اق قىزمەتكەردىڭ تىكەلەي قىزمەتىنە قاتىستى بۇيرىقتار, ەرەجەلەر, نۇسقاۋلىقتار زەردەلەنەدى;

– اتىس دايىندىعى: قارۋ-جاراق پەن وق-دارىلەردى قولدانۋدىڭ قۇقىقتىق نەگىزدەرى, قارۋمەن جۇمىس ىستەۋ كەزىندەگى قاۋىپسىزدىك شارالارى, ماتەريالدىق بولىگى جانە تاكتيكالىق-تەحنيكالىق سيپاتتامالارى جانە, ارينە, اتىس قارۋىمەن جۇمىس ىستەۋدىڭ پراكتيكالىق داعدىلارى زەرتتەلەدى جانە پىسىقتالادى;

– دەنە شىنىقتىرۋ جانە جاۋىنگەرلىك كۇرەس تاسىلدەرى, جالپى دەنە شىنىقتىرۋ جاتتىعۋلارى جانە دەنە كۇشىن قولدانۋدىڭ پراكتيكالىق داعدىلارى وقىتىلادى جانە پىسىقتالادى;

– ارنايى دايىندىق: قىزمەت بارىسىندا تۋىندايتىن ءتۇرلى جاعدايلاردا جەكە قاۋىپسىزدىكتى قامتاماسىز ەتۋ بويىنشا قىزمەتكەرلەردىڭ ءىس-ارەكەتتەرى زەردەلەنەدى جانە پىسىقتالادى.

«باسقارما تۇراقتى نەگىزدە ءىىو-عا كانديداتتاردان, سونداي-اق كەزەكتى اتتەستاتتاۋعا جاتاتىن جۇمىس ىستەپ جۇرگەن قىزمەتكەرلەردەن, ونىڭ ىشىندە سىنىپتىق بىلىكتىلىگىن راستاۋ جانە ارتتىرۋ ءۇشىن دەنە شىنىقتىرۋ دايارلىعى بويىنشا سىناقتار قابىلدايدى. ءىىو-عا كانديداتتار ءۇشىن دە, جۇمىس ىستەپ جۇرگەن قىزمەتكەرلەر ءۇشىن دە دەنە شىنىقتىرۋ دايارلىعى جونىندەگى نورماتيۆتەر مەديتسينالىق – جاس توپتارىنا بولىنەدى», – دەپ حابارلادى ەرجان امانتاەۆ.

سونداي-اق دەنە شىنىقتىرۋ مەن سپورتتى دامىتۋ ماقساتىندا پوليتسەيلەر اراسىندا ىرىكتەۋ جارىستارى ۇنەمى وتكىزىلىپ تۇرادى.

تاعىدا

admin

«استانا اقشامى» گازەتى

ۇقساس جاڭالىقتار

Back to top button