استانادا لاڭكەستىك قاۋىپسىزدىكتىڭ «سارى» دەڭگەيى جالعاسۋدا. لاڭكەستىك قاۋىپسىزدىكتىڭ «سارى» دەڭگەيى كەزىندە اقىل-كەڭەستەر ۇسىنىلادى.
قۇرمەتتى قالا تۇرعىندارى مەن ەلوردا قوناقتارى!
پوليتسيا قىزمەتكەرلەرىنىڭ تەكسەرىسىنە تۇسىنىستىكپەن قاراپ, ولارعا كومەك كورسەتىڭىزدەر. سونىمەن قاتار,سومكە, قوراپتار, بۋمالارعا, قاپتارعا, شاباداندارعا, اسىرەسە, شىعىپ تۇرعان سىمدار مەن تەحنيكالىق قۇرىلعىلارعا جانە قوعامدىق ورىندار مەن كولىكتەردەگى كۇماندى ادامدارعا نازار اۋدارىڭىزدار.
كۇمان تۋدىراتىن زاتتاردى ساقتاۋعا نەمەسە تاسىمالداۋعا الماڭىزدار.
باسقا دا اينالاداعى ازاماتتارعا تاستالعان زاتتارعا جولاۋدىڭ قانشالىقتى قاۋىپتى ەكەندىگىن تۇسىندىرىڭىزدەر.
اعىمداعى جاعداي تۋرالى جاڭالىقتاردى باقىلاپ وتىرىڭىزدار.
اۋرە-سارساڭعا جول بەرمەڭىزدەر. تۇرعىنداردىڭ مەسسەندجەرلەر مەن الەۋمەتتىك جەلىلەردە تاراپ جاتقان قاۋەسەت سوزدەرگە ءمان بەرمەۋىن وتىنەمىز. ەستەرىڭىزگە سالا كەتسەك, جالعان اقپارات تۋرالى حابارلاما تاراتقانى ءۇشىن قىلمىستىق جاۋاپكەرشىلىككە تارتۋ قاراستىرىلعان.
ەگەر كۇدىك تۋدىراتىن قۇرال تاپقان بولساڭىزدار تەز ارادا 102 نومەرىنە, استانا قالاسى ءىىد كەزەكشىلىك بولىمىنە 71-60-10, 71-61-10 تەلەفونىنا حابارلاسۋلارىڭىزدى وتىنەمىز.
اقپارات استانا قالاسى ءىىد, استانا قالاسى اكىمدىگىنىڭ اككاۋنتى, الەۋمەتتىك جەلىلەرگە twitter.com/astana_akimat, facebook.com/astanaakimat, instagram.com/astana_akimat شىعادى.
استانا قالاسى ءىىد ءباسپاسوز قىزمەتى
