استاناداعى ۇلتتىق مۇراجايدا العاش رەت «مۋزەيدەگى ءتۇن» اكتسياسى ءوتتى. كەشكى جەتىدە باستالىپ, التى ساعاتقا سوزىلعان مەرەكەلىك شاراعا 23 مىڭ ادام قاتىستى.
اتالمىش شارانىڭ اشىلۋ سالتاناتىندا قۇتتىقتاۋ ءسوز سويلەگەن قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەديۇلىنىڭ ايتۋىنشا, ەلىمىزدەگى مۋزەي ءىسى ەرەكشە قارقىنعا يە بولىپ, بۇل باعىتتا تىڭعا تۇرەن سالعان ىلكىمدى ىزدەنىستەرگە قادام جاسالىپ جاتىر. سونداي-اق, ول ۇيىمداستىرىلىپ وتىرعان مۋزەي ءتۇنى ورتالىق ازياداعى اسا ءىرى شارا ەكەنىن اتاپ ءوتتى.
ال, ۇلتتىق مۋزەيدىڭ ديرەكتورى دارحان مىڭباي: «مۋزەيدەگى ءتۇن» – الەۋمەتتىك ماڭىزى بار اكتسيا. ول حالىقتى وتكەنىن سارالاۋعا, بۇگىنىن باعالاۋعا عانا شاقىرمايدى, بىرلىگىن بەكەمدەۋگە, قۇندىلىعىن قاستەرلەۋگە, سول ارقىلى ءبىر ماقسات, ءبىر مۇددە, ءبىر ەل اياسىنا توپتاسۋعا ۇندەيدى» دەي كەلە, ەكسپوناتتاردى ءبۇتiن قالپىندا بۇلدiرمەي ساقتاۋعا جانە كەلۋشiلەردiڭ جادiگەرلەردi ەركiن تاماشالاۋىنا بارلىق جاعداي جاسالعانىن ايتتى.
ەڭ الدىمەن العاشقى ادام, ساق پاتشايىمى, قازاق باتىرلارى, ساۋكەلەلi قالىڭدىق سىندى ارنايى كوستيۋم كيگەن كەيiپكەرلەر قىزىل كiلەم ۇستiمەن ءجۇرiپ ءوتتى. جينالعان جۇرت, سونىمەن بىرگە, ۇلتتىق مۋزەيدىڭ اسپانىندا الىپ قىران قۇستىڭ قالىقتاعانىنا كۋا بولىپ, قازاقستان كارتاسى ۇلگىسىندەگى ۇلكەن مەديا-ەكراننان ەلىمىزدىڭ جازيرالى جازىعى مەن سايىن دالاسىنا ۆيرتۋالدى ساياحات جاسادى. اكتسيا اياسىندا مۋزەيگە كەلۋشىلەر «قازاق باتىرلارى» اتتى ارنايى تەاترلاندىرىلعان ەكسكۋرسياعا, ءارتۇرلى تاقىرىپتىق كورمەلەرگە كۋا بولىپ, تاريح پەن مادەنيەتكە قاتىستى ۆيكتورينالىق ويىندارعا قاتىستى. سونىمەن قاتار, سالا ماماندارىنىڭ دارىستەرىن تىڭداپ, جاۋھار جادىگەرلەر مەن تاريحي ارتەفاكتىلەر جايىنداعى بەينەروليكتەر مەن دەرەكتى فيلمدەردى تاماشالادى.
اكتسيا اياسىندا قازاق حاندىعىنىڭ 550 جىلدىعى مەن قازاقستان حالقى اسسامبلەياسىنىڭ 20 جىلدىعىنا ايرىقشا نازار اۋدارىلىپ, بيىلعى جىلدىڭ اتاۋلى داتالارى ينتەراكتيۆتى جوبالار ارقىلى ناسيحاتتالدى.
2014 جىلعى 2 شىلدەدە ەلباسى ن.نازارباەۆتىڭ قاتىسۋىمەن سالتاناتتى تۇردە اشىلعان قازاقستان رەسپۋبليكاسىنىڭ ۇلتتىق مۋزەيىندە «مۋزەيدەگى ءتۇن» حالىقارالىق اكتسياسى بيىل تۇڭعىش رەت ۇيىمداستىرىلدى.
ءمادينا جاقىپ
