سپورتتىق شاراعا 1500 ادام قاتىستى.
بۇگىن استانالىق ساياباقتا «ياركوكروسس» اتتى قايىرىمدىلىق مارافونى ءوتتى. ەلوردا اكىمدىگىنە قاراستى ىشكى ساياسات, سپورت جانە مادەنيەت باسقارمالارىنىڭ قولداۋىمەن ۇيىمداستىرىلعان بۇل شاراعا 1500 ادام قاتىستى.
ويىن شارتى بويىنشا ولار الدىن الا تاراتىلعان اپپاق جەيدەلەردى كيىپ الىپ, 5 شاقىرىمدى جۇگىرىپ ءوتۋى كەرەك. جولاي ورناتىلعان 5 ستانتسيادا ەرىكتىلەر 5 ءتۇستى بوياۋ ازىرلەپ تۇرادى. قىزىلدى-جاسىلدى ۇنتاقتىڭ اراسىمەن مارەگە جەتكەندە ميسسيا ورىندالادى.
«وسىنداي قايىرىمدىلىق اكتسياسىنا قول ۇشىن بەرگەنىمە قاتتى قۋانىشتىمىن. مارافونعا تولەنەتىن جارنانىڭ ءبارى استانادا اعاش ەگۋگە جۇمسالادى. ورتاق ءۇيىمىزدى كوركەيتۋگە ۇلەس قوسۋدىڭ ءوزى ۇلكەن عانيبەت قوي», – دەيدى ەرىكتىلەردىڭ ءبىرى, پوليتەxنيكالىق كوللەدجدىڭ ستۋدەنتى ءالي ساپاربەكوۆ.
