اتىڭىزدى اباي دەپ كىم قويدى؟ابايدى قاي جاسىڭىزدا تانىپ ءبىلدىڭىز؟اباي اتىڭىزعا سەلكەۋ تۇسىرگەن ساتتەرىڭىز بولدى ما؟ابايدىڭ قاي ءسوزىن ومىرلىك قاعيدا رەتىندە ۇستاناسىز؟كەيدە ءوزىڭىزدى ابايدىڭ رۋحى دەمەپ جۇرگەندەي ساتتەردى سەزىنەسىز بە؟
اباي بايگەنجين,
«ۇلتتىق عىلىمي مەديتسينالىق ورتالىعىنىڭ» ديرەكتورى:
ا ت ى م د ى ءا ك ە م قويدى. ول كىسى بۇكىل ءومىرىن بالا تاربيەسىنە ارناعان جان بولاتىن. كىتاپتى وتە كوپ وقيتىن. اسىرەسە, اباي شىعارماشىلىعىنا جاقىن جان ەدى.
كوزىمدى اشقاندا كورگەنىم ابايدىڭ بەينەسى, ءارىپتى ءالىپ دەپ تانىعان شاعىمدا وقىپ, بىلگەنىم اباي شىعارمالارى بولدى دەسەم قاتەلەسپەسپىن. ويتكەنى, مەن ەس بىلگەن شاقتان بەرى تورگى بولمەدە ابايدىڭ ۇلكەن پورترەتى ءىلىنىپ تۇراتىن. اكەمنىڭ اقىن جايىنداعى ايتقان اڭگىمەلەرىن بالا شاعىمنان قۇلاعىما قۇيىپ ءوستىم. كەيىن مەكتەپ تابالدىرىعىن اتتاعان سوڭ شىعارمالارىمەن قازاق, ورىس تىلدەرىندە تانىسا باستادىم. ءتىپتى, سەنەسىز بە, ءبىزدىڭ ۇيدە اقىننىڭ اراب, لاتىن قارپىمەن جازىلعان كىتاپتارى بولدى. اكە-شەشەم اراب, لاتىن تىلدەرىن جەتىك بىلەتىن. قازىر مەنىڭ دە ءۇي كىتاپحانامنان اباي قۇنانباەۆتىڭ ءبىرتالاي ەڭبەكتەرىن كورە الاسىز. ال, اكەمنەن قالعان الگى اراب, لاتىن تىلىندەگى ەڭبەكتەردى بۇرناعى جىلدارى استاناداعى س.سەيفۋللين اتىنداعى مۇراجايعا تاپسىردىم.
بىزدەر كەڭەس وداعىندا ءومىر سۇردىك. سول كەزدىڭ تاربيەسىن الدىق. عىلىمدا, ساياساتتا جۇردىك. مۇنداي كەزدە ادامنىڭ اتىنا ءسوز ەرمەۋى مۇمكىن بە؟ ايتسە دە, مەن ابايدىڭ ۇلى تۇلعا ەكەنىن, ءوزىمنىڭ سول ۇلى تۇلعامەن اتتاس ەكەنىمدى ەسىمدە ۇستاپ ءجۇردىم. ەسىمىمە كىر كەلتىرمەۋگە تىرىستىم.
«اتىمدى ادام قويعان سوڭ, قايتىپ نادان بولايىن»…
جالپى, ادام ەسىمى مەن تاعدىرىنىڭ ءبىر- بىرىمەن تىعىز بايلانىستى ەكەنى عىلىمدا دالەلدەنگەن. قازىرگىدەي دارەجەگە جەتكەنىمنىڭ ءبىر سەبەبى ەسىمىممەن بايلانىستى ەكەندىگىنە مەنىڭ دە سەنىمىم مول.
اباي توقسابا,
قر پارلامەنتى سەناتى اپپاراتى جەتەكشىسىنىڭ ورىنباسارى:
اتىمدى اباي دەپ ناعاشى اعام قويىپتى. ابايداي عۇلاما بولسىن دەپ ىرىمداعان شىعار.
اباي شىعارماشىلىعىمەن مەكتەپ جاسىندا تانىستىم. ابايدىڭ اباي ەكەنىن دە وسى شاقتان تانىپ ءبىلدىم. «اباي جولىن» ەڭ العاش رەت 7-سىنىپتا قولعا الدىم. 10-سىنىپتا ەكىنشى رەت قايتالاپ وقىپ شىقتىم. سوسىن وتىزدان اسىپ, ەس توقتاتقان شاعىمدا تاعى ءبىر پاراقتاپ شىقتىم. شىنى كەرەك, ءار وقىعان سايىن ابايدى جاڭا قىرىنان تاني ءتۇستىم. بىلتىر ءوز قالاۋىممەن ۇلى اقىننىڭ كىندىك قانى تامعان ولكەگە ارنايى ساپارمەن بارىپ قايتتىم. كيەلى جەردەن كەرەمەت اسەرمەن ورالدىم.
بولعان جوق. بىلتىر ەلباسىنىڭ قولىنان «قۇرمەت» وردەنىن الدىم. ءوز ەسىمىمنىڭ ۇدەسىنەن شىعا العاندىعىمنىڭ ءبىر بەلگىسى وسى شىعار.
ءا ر ق ا ز ا ق ت ى ڭ بويتۇمار سوزىنە اينالعان بەس نارسەدەن قاشىق بولۋعا, بەس نارسەگە اسىق بولۋعا ۇندەيتىن وسيەتىن ءجيى ەسكە الامىن.
ۇلى ابايمەن تەك اتتاس ەمەس, تاعدىرلاس سەكىلدى كورىنەم كەيدە. ونىڭ وتباسىندا العان تاربيەسى, مىنەزى, ءبارى-ءبارى مەنىكىمەن ۇقساستاي كورىنەدى
اباي جۇمادىللاەۆ,
«استانا ەكسكليۋزيۆ» جشس-ءنىڭ ديرەكتورى:
مەن دۇنيەگە كەلگەندە وتباسىم ماسكەۋدە تۇرىپتى. اكەمنىڭ ماسكەۋ مەملەكەتتىك ۋنيۆەرسيتەتىندە وقىپ جۇرگەن كەزى ەكەن. اۋىلدان ماسكەۋگە وقۋعا كەلگەن قارىنداسى شارانىڭ «ءسابيدىڭ ەسىمى اباي بولسىنشى» دەگەن ءوتىنىشىن جەرگە تاستاي الماي, اكەم ماعان ۇلى اقىننىڭ ەسىمىن بەرگەن ەكەن. ءبارىنىڭ كوكەيىندەگىسى – ابايداي الىپ تۇلعا بولسىن دەگەن نيەت قوي.
مەكتەپ باعدارلاماسىنان وقىپ ءبىلدىم. ءوزىم ادەبيەتتى ءسۇيىپ وقيتىنمىن. باستاۋىش سىنىپتاردا جاتتاعان اقىننىڭ «ءتورت مەزگىل» ولەڭى ەرەكشە ەسىمدە قالىپتى. «اباي جولى» رومانىمەن دە وقۋشى كەزىمدە تانىستىم. قازىر وقىپ شىقسام, ابايدى بالكىم, مۇلدە جاڭا قىرىنان تانىرمىن. سول, قايتا قاراپ شىعۋدىڭ ءساتى تۇسپەي جۇرگەنى.
اتىما جامان ءسوز ەرىپ كورگەن جوق.
ابايدىڭ 25-ءشى قارا ءسوزىن وقۋىڭىز بار ما؟ ءدال بۇگىنگىنىڭ ادامىنا ايتىلعان با دەرسىڭ. «قۇدايدان قورىق, پەندەدەن ۇيال, بالاڭ بالا بولسىن دەسەڭ – وقىت, مال اياما!» دەيدى. جاستاردى وزگە ءتىلدى ۇيرەنۋگە شاقىرادى. «ەگەر سەن ونىڭ ءتىلىن بىلسەڭ, كوكىرەك كوزىڭ اشىلادى» دەپ جازادى. اربىرەۋدىڭ ءتىلىن, ونەرىن بىلگەن كىسى ونىمەنەن بىردەي تۇرىپ, كەز كەلگەن ماسەلەگە داۋلاسا الاتىنىن ايتادى. ءتىل بىلگەن ادامنىڭ الدەكىمدەرگە كۇنى ءۇشىن جالپاقتاپ, جالىنبايتىنىن كەلتىرەدى.
وزىڭنەن بۇرىن ەسىمىڭدى قۇرمەت تۇتىپ جاتاتىن ساتتەر بولادى. كەي اعالارىم «ۇلى تۇلعانىڭ ەسىمىن يەمدەنىپسىڭ!» دەپ ارقادان قاعىپ جاتادى. جوق جەردەن جولىم بولىپ كەتەتىن ساتتەر دە از ەمەس. وسىنىڭ ءبارى اباي رۋحىنىڭ قۇدىرەتى شىعار.
جازىپ العان شىنار دوسان
