جاڭالىقتار

اۋىل شارۋاشىلىعىنا ارنالدى

كەشە س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە «جاھاندانۋ جاعدايىنداعى قازاقستاننىڭ اۋىل شارۋاشىلىعى ونەركاسىبى ەكونوميكالىق دامۋىنىڭ وزەكتى ماسەلەلەرى» تاقىرىبىندا رەسپۋبليكالىق عىلىمي-تاجىريبەلىك كونفەرەنتسيا  بولدى.

وعان قازاقستان, رەسەي, بەلورۋسسيا, قىرعىزستان جانە باسقا دا ەلدەردەن 200-دەن استام عالىمدار, وقىتۋشىلار, ماگيسترلار مەن ستۋدەنتتەر قاتىسىپ, الدىمەن ءسوز العان ۋنيۆەرسيتەت رەكتورى اقىلبەك كۇرىشباەۆ دسۇ-عا كىرۋ ءۇشىن قاجەتتى جاع­دايلار تۋدىرۋدىڭ ماڭىزدىلىعىن اتاپ ءوتتى. «ءبىز اۋىل شارۋاشىلىعى ءونىم­دەرى­نىڭ­ باسەكەگە قابىلەتتىلىگى تۋرالى ايتقان كەزدە, الەمدەگى بارلىق دامىعان مەملە­كەت­تەردە ونىڭ مەملەكەتتىك قولداۋمەن قام­تا­ما­سىز ەتىلگەندىگىن ەسكە­رۋى­مىز­ كە­رەك. ياعني, بيۋدجەتتىك سۋب­سي­­ديا­لاۋ جولىمەن. ەشقانداي جەردە نارىق پەن بيزنەس ءوز-وزىنەن قىزمەت ىستەي المايدى» دەدى ول ءوز سوزىندە.

سونىمەن قاتار, كونفەرەنتسيا بارىسىندا قازاقستاننىڭ اۋىل شارۋا­شى­­لى­عى ونەركاسىبىنىڭ (اوك) ءتۇيت­كىل­دى ماسەلەلەرى تالقىلانىپ, كەدەن­دىك وداقتاعى كورشىلەرىمىزبەن سالىس­تىر­عان­دا,­ اتالعان سالاعا مەملەكەتتىك قولداۋدىڭ تومەن دەڭگەيدە ەكەندىگى باسا ايتىلدى. ماسەلەن, بەلورۋسسيادا بۇل سالانى مەملەكەتتىك قولداۋ 17 پايىزدى قۇراسا, قازاقستاندا 5 پايىزدان دا اسپايدى ەكەن. سونىمەن قوسا, ەۋروپا ەلدەرىمەن سالىستىرعاندا, ءبىزدىڭ ەلدە ءبىر تاۋاردى وندىرۋگە 3 ەسە ارتىق شىعىن كەتەدى.

بۇكىلالەمدىك بانك وكىلى ريچارد بۋركروفف ءوز بايانداماسىندا قازاقستانداعى اۋىلدىق ينۆەستيتسيالىق جاعدايلار مەن كىرىستەردە وتە كۇردەلى ماسەلەلەر بار­ ەكەندىگىن ايتىپ, ولاردى شەشۋ ءۇشىن حالىق­ارا­لىق تاجىريبەلەردەن بىرنەشە جوبا ۇسىندى.

 ەربول جانات, ەركەعالي بەيسەنوۆ

تاعىدا

ۇقساس جاڭالىقتار

پىكىر ۇستەۋ

Back to top button