ۇلى جەڭىستىڭ 70 جىلدىعىنا ارنالعان اۆتوشەرۋ قازاقستاننان باستالدى. وتكەن سەنبىدە اكتسياعا قاتىسۋشىلار استاناعا ات باسىن بۇردى.
«نۇر وتان» پارتياسى مەن قر قورعانىس مينيسترلىگىنىڭ قولداۋىمەن ۇيىمداستىرىلعان حالىقارالىق شارانىڭ اۋماعى قازاقستان, رەسەي جانە قىرعىزستان قالالارىن قامتيدى. الماتى قالاسىنان جولعا شىققان اۆتوشەرۋ بىشكەك, استانا, قوستاناي, اقتوبە, ورال, ورىنبور, سامارا قالالارىنان ءوتىپ, مارەگە ماسكەۋدە جەتەدى.
استانالىقتار اۆتوشەرۋشىلەردى وتان قورعاۋشىلار الاڭىنان شىعارىپ سالدى. جيىنعا حالىق قاھارمانى باقىتجان ەرتاەۆ, رەسەيدىڭ قازاقستانداعى ەلشىسى نيكولاي بوچارنيكوۆ, قىرعىزستاننىڭ شەكارا قىزمەتى توراعاسى ستامبەك اساكەەۆ, «نۇر وتان» پارتياسى استانا قالاسى فيليالىنىڭ توراعا ورىنباسارى مەيرامبەك ورالوۆ, استانا ارداگەرلەر كەڭەسىنىڭ توراعاسى امانگەلدى سىزدىقوۆ جانە ارداگەرلەر, جاۋىنگەر-ينتەرناتسيوناليستەر, «جاس وتان» جاستار قاناتى مەن «جاس ۇلان» تاربيەلەنۋشىلەرى قاتىسىپ, ساپارشىلارعا ساتتىلىك تىلەدى.
شارادا «وتان-انا» ەسكەرتكىشىنە گۇل شوقتارى قويىلدى. الماتى جانە بىشكەك قالالارىنان كەلە جاتقان دەلەگاتسيا قۇرامىنا استانالىقتار دا قوسىلدى. اۋعان سوعىسىنىڭ ارداگەرى عالىم قوجابەكوۆ «وتان ءۇشىن جان قيعان قازاقستاندىق جاۋىنگەرلەردىڭ قانى تامعان جەردەن ەلگە ءبىر ۋىس توپىراق جەتكىزەمىز» دەيدى.
