جاڭالىقتار
اۆتوشەرۋ استاناعا كەلدى
قازاقستاننىڭ جيىرمادان استام قالاسىن ارالاۋعا بەلسەنە كىرىسكەن «مەنىڭ ەلىم» اۆتوشەرۋشىلەر توبى كەشە استانادا ايالداپ, ءباسپاسوز ءماسليحاتىن وتكىزدى.
اۆتوشەرۋدىڭ ۇيىمداستىرۋشىسى, اتىراۋداعى «Wheels Brothers VC» موتوكلۋبىنىڭ جەتەكشىسى ولەگ شمالدىڭ ايتۋىنشا, جوبانىڭ ماقساتى – كوپتەگەن قالالاردى ارالاپ, سول شاھارلاردىڭ ەرەكشەلىگىن زەردەلەۋ, تاريحي-مادەني ەسكەرتكىشتەردى كوزبەن كورۋ ەكەن. اۆتوشەرۋشىلەر بىلتىر 18 قالانى ارالاعان. ولاردىڭ قاتارىنا بيىل تاعى بىرنەشە ەلدىمەكەن قوسىلىپتى.
اۆتوشەرۋشىلەردىڭ جالپى ۋاقىتى – 18 كۇن, ال ءجۇرىپ وتەتىن جولى 8500 شاقىرىمدى قۇراماق. اتىراۋدان باستاۋ العان اۆتوشەرۋگە ەلىمىزدىڭ وزگە وڭىرلەرىندەگى اۆتوموتو قوزعالىسىنىڭ وكىلدەرى دە قوسىلىپ, قاتاردى تولىقتىرۋدا.