Sport

ازيادا ۇزدىكتەرى ارداقتالدى

ZAH_2315

ەلورداداعى ۇلتتىق مۋزەيدە ازيا ويىندارىنىڭ چەمپيوندارى مەن جۇلدەگەرلەرى ماراپاتتالىپ, ۇيىمداستىرۋشىلاردىڭ قولىنان قوماقتى سىيعا يە بولدى.

شاراعا ۆيتسە-پرەمەر گۇلشارا ابدىحالىقوۆا, مادەنيەت جانە سپورت ءمينيسترى ارىستان مۇحامەديۇلى, وبلىستىق سپورت باسقارمالارى مەن سپورت تۇرلەرىنەن ۇلتتىق فەدەراتسيا باسشىلارى, ازيا ويىندارىنا قاتىسقان سپورتشىلار مەن ولاردىڭ جاتتىقتىرۋشىلارى, ازياداداعى قازاقستان سپورت دەلەگاتسياسىنىڭ مۇشەلەرى قاتىستى. ۆيتسە-پرەمەر گۇلشارا ابدىحالىقوۆا ەلباسى نۇرسۇلتان نازارباەۆتىڭ قۇتتىقتاۋ حاتىن وقىپ, پرەزيدەنتتىڭ اتىنان سپورتشىلارعا ىزگى تىلەكتەرىن جەتكىزدى.

سپورت جانە مادەنيەت مينيسترلىگى ۇيىمداستىرعان شارادا ازيادا ويىندارىندا چەمپيون اتانعان سپورتشىلار 1 800 000 ميلليون تەڭگە (10 مىڭ اقش دوللارى) السا, كۇمىس جۇلدەگەرلەر 900 000 تەڭگە (5 مىڭ اقش دوللارى) يەلەنىپ, قولا جۇلدەگەرگە 545 000 تەڭگە (3 مىڭ اقش دوللارى) كولەمىندە اقشالاي سىيلىق تابىستالدى. ال, باس باپكەرلەرگە بەس مىڭ اقش دوللارى تاعايىندالدى.

ەستەرىڭىزگە سالا كەتەيىك, قازاقستان بيىل وتكەن ينچحونداعى ازيا ويىندارىندا بۇعان دەيىنگى ءوزىنىڭ مەدالدىك رەكوردىن جاڭارتىپ, جالپى ەسەپتە ءتورتىنشى ورنىن ساقتاپ قالعان ەدى.

سۇبەلى ءسوز

ارىستان مۇحامەديۇلى, مادەنيەت جانە سپورت ءمينيسترى:

   – الەمنىڭ باسقا مەملەكەتتەرىندە الەۋمەتتىك قولداۋ ماقساتىندا حالىقارالىق ارەنالاردا ەلدىڭ اتىن شىعارعان سپورتشىلارعا وسىنداي سىي-قۇرمەت كورسەتىلەدى. ءبىز دە سول نيەتپەن وسى شارانى ۇيىمداستىرىپ وتىرمىز. جالپى, سوڭعى ازيا ويىندارى قازاقستان ءۇشىن ناتيجەلى بولدى دەپ ايتا الامىز. بىراق, وسىمەن توقتالىپ قالۋعا بولمايدى. الدىمىزدا ريو دە جانەيرو ويىندارى كۇتىپ تۇر. لوندونداعى جەتىستىكتى قايتالاۋ قيىن بولسا دا, ءبىز مەملەكەتتىڭ, ەلباسىنىڭ سپورتقا كوڭىل ءبولۋىنىڭ ارقاسىندا ونى دا باعىندىرامىز دەپ ويلايمىز.

دايىنداعان: نۇريسلام قۇسپانعالي

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button