بابىڭا كەل, «بارىس»!

كحل چەمپيوناتىندا ەل نامىسىن قورعايتىن استانالىق «بارىس» حوككەي كومانداسى كەزەكتى تۋردا زاگرەبتە حورۆاتيالىق «مەدۆەششاك» كومانداسىن 5:3 ەسەبىمەن تىزە بۇكتىردى. بۇل ويىن «بارىستىڭ» بابىنا كەلەتىنىن اڭعارتقانداي بولدى.

ولاي دەيتىنىمىز, وسىعان دەيىنگى 8 ماتچتا قاتارىنان جەڭىلىستەن كوز اشپاعان كومانداسىنا ابدەن كوڭىلى قالعان جانكۇيەرلەرى بۇل جولى دا «بارىسقا» ءۇمىتسىز قاراعان ەدى. الايدا, استانالىقتار الاڭ يەلەرىنىڭ ۇمتىلىسىنا بوي بەرمەي, ويىن تىزگىنىن ءوز قولدارىندا ۇستاي ءبىلدى. ءسويتىپ, وتە تارتىستى وتكەن ويىندا نايدجەل دوۋس حەت-تريك, ال برەندون بوچەنسكي دۋبل جاساپ, «بارىستىڭ» ەڭسەسىن كوتەرىپ تاستادى.

كەشە تۇندە استانالىقتار براتيسلاۆا قالاسىندا «سلوۆان» كومانداسىمەن كەزدەستى. ال ءوز الاڭىمىزداعى كەزەكتى ويىن 24 جەلتوقسان كۇنى وتەدى. بۇل كۇنى «بارىس» قازاننىڭ «اق بارس» كومانداسىن قابىلدايتىن بولادى.

                                                                                 عالىم قوجابەكوۆ