باعدارلامالىق ماقالانى بايىپتادى
استانا اكىمدىگىندە پرەزيدەنت نۇرسۇلتان نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىن ناسيحاتتاۋعا ارنالعان باسقوسۋ ءوتتى.
قالالىق جۇمىسپەن قامتۋ جانە الەۋمەتتىك باعدارلامالار باسقارماسى ۇيىمداستىرعان شارانى باسقارما باستىعى الما التىباەۆا اشتى. ماقالاداعى الەۋمەتتىك باسىم باعىتتار مەن تاپسىرمالارعا توقتالعان الما قۋاندىققىزى ەلوردا تۇرعىندارىنىڭ احۋالى مەن اتقارىلىپ جاتقان شارۋالاردى ءسوز ەتتى. سونىمەن قاتار جيىندا قالالىق كاسىپوداقتار كەڭەسىنىڭ توراعاسى سارسەنباي مىڭباەۆتىڭ بايانداماسى تىڭدالدى. ول ەلباسى ساياساتى قاشاندا قازاقستاندىقتاردىڭ مۇددەسى ءۇشىن قىزمەت ەتەتىنىن العا تارتىپ, كاسىپوداق ۇيىمىنىڭ تيىمدىلىكتەرىن, جۇمىسشىلار قۇقىن قورعاۋداعى وڭ ىستەردى اڭگىمەلەدى. باسقوسۋ استانا قالاسى بويىنشا الەۋمەتتىك قورعاۋ جانە باقىلاۋ دەپارتامەنتىنىڭ ديرەكتورى ەركىن راقىمبەرگەنوۆتىڭ بايانداماسىمەن جالعاستى.