باعدات اليەۆ, الماتى وبلىستىق اۋىل شارۋاشىلىعى باسقارماسىنىڭ باستىعى: ءونىمنىڭ بارلىق ءتۇرىن اكەلدىك
كەشە الماتى وبلىسىنان شىققان اۆتوكەرۋەن استاناعا تابان تىرەدى. ارنايى جۇك كولىكتەرىنە تيەلگەن ازىق-تۇلىك ونىمدەرى قالا الاڭىندا وتەتىن جارمەڭكەدە استانالىقتارعا ارزان باعامەن ۇسىنىلماقشى. وسىعان بايلانىستى جەتىسۋلىقتاردىڭ كەرۋەنىن باستاپ كەلگەن الماتى وبلىستىق اۋىل شارۋاشىلىعى باسقارماسىنىڭ باستىعى باعدات بايشالۇلى اليەۆپەن تىلدەسكەن ەدىك.
– كۇزگى جارمەڭكەنى ءبىرىنشى بولىپ الماتى وبلىسىنان كەلگەن اۆتوكەرۋەن باستاعالى تۇر. ءونىمنىڭ قانشا ءتۇرىن اكەلدىڭىزدەر؟
قازاقتا «كەۋسەن» دەگەن تاماشا ءداستۇر بار. جىلدا كۇزگى جيىن-تەرىننىڭ ناۋقانى كەزىندە الماتى وبلىسى ەڭبەككەرلەرىنىڭ اۋىلشارۋاشىلىق ونىمدەرى حالىققا ارزان باعامەن ساتىلادى. جىلداعى ءداستۇر بويىنشا استانا قالاسىنا ەلۋ جۇك كولىگىنە تيەلگەن بارلىعى 400 توننا قۇرايتىن ازىق-تۇلىك ونىمدەرىن الىپ كەلدىك. ونىڭ ىشىندە ەت-ءسۇت ونىمدەرى, كوكونىس, جەمىستەر بار.
الماتى وبلىسى 60 ءتۇرلى ءونىم وندىرەتىن بولسا, سونىڭ ءبارىن اكەلدىك. بۇل جارمەڭكەگە بارلىعى 16 اۋدان مەن قالالار اتسالىسۋدا. اسىرەسە, قاراساي, تالعار, ەڭبەكشىقازاق اۋداندارىنىڭ ونىمدەرى مولىنان جەتكىزىلدى.
– جارمەڭكەنىڭ باستى ماقساتى قانداي؟
– جارمەڭكە – قالا ماڭىنداعى ازىق-تۇلiك بەلدەۋiن دامىتۋ جانە ەلوردالىقتاردىڭ سۇرانىسىن قاناعاتتاندىرۋ ءۇشiن ۇيىمداستىرىلۋدا. الماتى وبلىسى اۋىل شارۋاشىلىعى سالاسىنىڭ ماماندارى اكەلگەن ونىمدەردىڭ جالپى قۇنى 130 ملن تەڭگەنى قۇرايدى.
– بيىلعى جارمەڭكەنىڭ ەرەكشەلىگى نەدە دەپ ويلايسىز؟
– جارمەڭكەنىڭ ەرەكشەلىگى سول, اۋىلشارۋاشىلىعى ونىمدەرىنىڭ بارلىعى نارىقتاعى باعادان 15-20 پايىزعا ارزان باعامەن ساتىلادى. بۇدان بولەك ەلوردالىقتارعا دايىنداپ اكەلىنگەن مەرەكەلىك كونتسەرتىمىز بار. الماتى وبلىسىنىڭ ونەرپازدارى جارمەڭكە وتەتىن كۇنى قالالىق الاڭدا ءوز ونەرلەرىن ورتاعا سالادى.
گۇلميرا ايماعانبەت