دەنساۋلىق

بايىرعى ەمحانانىڭ بايىپتى جۇمىستارى

IMG_4342

كەيىنگى كەزدە №1 قالالىق ەمحانا جابىلادى دەگەن ءسوز تارالىپ كەتتى. باس-اياعى 46 مىڭعا جۋىق تۇرعىنعا مەديتسينالىق قىزمەت كورسەتەتىن مەكەمە شىنىمەن جابىلسا, قايدا بارىپ قارالامىز دەپ تۇرعىندار الاڭداپ ءجۇر. ماسەلەنىڭ ءمان-جايىن ءبىز دە بىلگەن ەدىك.

استانا قالاسىنىڭ تۇرعىندارى كۇن سايىن كوبەيىپ كەلەدى. بۇگىندە كوپتەگەن ەمحانالار ارتىق جۇكتەمەمەن جۇمىس ىستەيدى. باردىڭ ءوزىن ارەڭ جەتكىزىپ جاتقاندا, ءبىر ەمحانانى جابۋ اقىلعا سىيمايدى. بۇل ويىمىز راسقا شىقتى. №1 قالالىق ەمحانانىڭ باس دارىگەرى كۇلجان اناسوۆانىڭ ايتۋىنشا, بۇل ەمحانا جابىلمايدى. جۇرتتىڭ دۇرلىگىپ جۇرگەنى – كەيبىر ۋچاسكەلىك تەراپەۆتەر اۋەزوۆ كوشەسى, 24-مەكەن-جايىندا ورنالاسقان 1-ءىنشى قالالىق بالالار ەمحاناسىنىڭ عيماراتىنا اۋىستىرىلعان ەكەن. «بۇل دا بىزگە قاراستى ەمحانا. عيماراتتىڭ ءبىر بولىگىن ءتيىمدى پايدالانۋدى ءارى تۇرعىندارعا كەڭ كولەمدە قىزمەت كورسەتۋ ءۇشىن وسىنداي شەشىم قابىلدادىق. ءبىر جاعىنان, ءبىزدىڭ ەمحانا – الپىسىنشى جىلدارى سالىنعان بايىرعى عيمارات. جوندەۋ جۇمىستارىن جۇرگىزۋدى دە ويلاستىرىپ وتىرمىز» دەيدى باس دارىگەر.
ماتەريالدىق-تەحنيكالىق بازاسى مەن كادرلىق ۇجىمىن ابدەن قالىپتاستىرعان بۇل مەكەمە ەمدەۋ-دياگنوستيكالىق كومەكتى 20 سالا بويىنشا جۇرگىزەدى. مۇندا ەكى اۋىسىممەن جۇمىس ىستەيتىن كۇندىزگى ستاتسيونار جۇمىس ىستەيدى. ءبىر جىلدىڭ ىشىندە ەمحاناعا كەلىپ-كەتۋشىلەردىڭ سانى 350 مىڭعا جەتكەن.

تاعىدا

ۇقساس جاڭالىقتار

پىكىر ۇستەۋ

Back to top button