مىنا سۋرەتتە اسەم بەزەندىرىلگەن شىرشانىڭ جانىندا تاقپاق ايتىپ تۇرعان – بەس جاسار ماشا سامسونوۆا. ول ءوزىنىڭ ءسابي كەزىندەگى فوتوسىن «تسەلينوگراد. تسەلينوگرادتسى» سايتىنان كورىپ, قاتتى قۋانىپتى.
«بۇل – 1978 جىلدىڭ جەلتوقسان ايى. «چيپوللينو» بالاباقشاسى. بۇلدىرشىندەرگە ارنالعان شىرشاتويى – ەرتەڭگىلىك. انام ماعان تاقپاق جاتتاتىپ, ءساندى كيىندىرىپ الىپ كەلدى. ەسىمدە قالعانى, اياز اتاعا ءبىرىنشى بولىپ تاقپاق ايتتىم. ول مەنىڭ باسىمنان سيپاپ, جاقسى سوزدەر ايتتى. كوپ ءتاتتى مەن ويىنشىق بەردى. بۇل ءبىر بالداۋرەن كەرەمەت ساتتەر ەدى» دەپ ەسىنە الادى ماريا ميحايلوۆنا.
