ەلوردانىڭ ءتول مەرەكەسىنە وراي م.وتەمىسۇلى اتىنداعى وقۋشىلار سارايى الاڭىندا №1 مۋزىكالىق بالالار مەكتەبىنىڭ ۇيىمداستىرۋىمەن مەرەكەلىك ءىس-شارا بولىپ ءوتتى.
شارادا «استانا» ۇلت اسپاپتار وركەسترى, «بالاۋسا» فولكلورلىق ءانسامبلى, «كۇي تارتىس» دومبىراشىلار انسامبلىمەن قاتار اتالمىش مەكتەپتىڭ وقۋشىلارى ءوز ونەرلەرىن كورەرمەندەرگە پاش ەتتى. مەرەكەلىك باعدارلامادان كەيىن ءبىلىم باسقارماسىنىڭ باسشىسى ەلميرا سۋحانبەرديەۆا استانا قالاسى اكىمدىگىنىڭ قۇتتىقتاۋىن جەتكىزىپ, جينالعان قاۋىمعا جىلى لەبىزدەرىن ءبىلدىردى. سونىمەن قاتار, «استانا قۇرداستارىنىڭ ءىى ۆەنا بالىن» ەرەكشە اتاپ, قاتىسۋشىلار مەن جەڭىمپازدارعا العىس حاتتار مەن ىنتالاندىرۋ سىيلىقتارىن تابىستادى. حانشايىم مەن حانزادانى انىقتاۋ وڭايعا تۇسپەپتى. دەگەنمەن سىمباتى مەن ءبيى جاراسقان جۇپ جەڭىس تۇعىرىنان كورىندى. «بال حانشايىمى-2014» جانە «بال حانزاداسى-2014» اتاعىنا سابينا ارتىعاليەۆا مەن حاكىم ءىلياس لايىق دەپ تانىلدى.
بوتا جۇمابايقىزى,
ستۋدەنت
