جاڭالىقتارەكونوميكا

بالتىق جاعالاۋىمەن بايلانىس نىعايادى

ERA_7218

كەشە پەكين پالاس قوناقجايىندا قازاقستان-لاتۆيا بيزنەس فورۋمى ءوتتى. وعان استانا قالاسىنىڭ اكىمى يمانعالي تاسماعامبەتوۆ پەن ريگا قالاسىنىڭ مەرى نيل ۋشاكوۆ قاتىستى.

جيىندى اشىپ, مەيماندارعا جىلى لەبىزىن بىلدىرگەن قالا اكىمى الدىمەن جاس استانانىڭ دامۋ ديناميكاسىنا توقتالدى. كەزىندە وبلىس ورتالىعى بولعان شاعىن قالا از ۋاقىتتىڭ ىشىندە اسەم استاناعا اينالعانى ايتىلدى. قىسقا مەرزىمدە تۇرعىندار سانى ءتورت ەسەگە ارتىپ, جالپى ينۆەستيتسيا كولەمى 3,5 ملرد اقش دوللارىن قۇراۋى دا – جاس شاھاردىڭ جەتىستىگى.

ەلوردادا قۇرىلىس سالاسى دا قارقىندى جۇرگىزىلىپ كەلە جاتقانىن اتاپ وتكەن يمانعالي نۇرعاليۇلى جاڭا تەمىرجول ۆوكزالى سالىنىپ, قولدانىستاعى حالىقارالىق اۋەجاي عيماراتى قايتادان جاڭعىرتىلاتىنىن جەتكىزدى.

استانادا ينۆەستورلارعا  قولايلى جاعدايلار جاسالعان جانە وسىندا جۇزەگە اسىرىلىپ جاتقان ءىرى جوبالار دا از ەمەس. ءارتۇرلى سالاداعى وسىنداي جوبالارعا لاتۆيا كاسىپكەرلەرى دە قاتىسا الاتىنىن قۇلاققاعىس ەتكەن شاھار باسشىسى ەكى ەلدىڭ ەكونوميكالىق بايلانىستاردى كەڭەيتۋگە مۇمكىندىگى كوپ ەكەندىگىن اتاپ ءوتتى.

يمانعالي نۇرعاليۇلىنىڭ ايتۋىنشا, رەسپۋبليكالار اراسىنداعى تاۋار اينالىمى ازىرشە ءماز ەمەس. «ىنتىماقتاستىقتى كەڭەيتۋگە ءبىزدىڭ الەۋەتىمىز جەتەرلىك. باستى ماسەلە – كووپەراتسيالىق بايلانىستاردى ورناتۋدا بولىپ تۇر»,  دەدى ول.

بۇدان كەيىن ريگا قالاسىنىڭ مەرى نيل ۋشاكوۆقا ءسوز بەرىلىپ, ول ەكىجاقتى ارىپتەستىك قارىم-قاتىناستى نىعايتۋعا بەيىل ەكەندىكتەرىن جەتكىزدى. «ەكى ەل اراسىنداعى الىس-بەرىس اسا كوپ بولماسا دا, ءبىز قاي سالانى دا دامىتۋعا مۇددەلىمىز. ايتالىق, استانا مەن ريگا قالالارى اراسىندا اۋە رەيسىن اشۋدى قاراستىرىپ وتىرمىز. ول ءۇشىن بارلىق قاجەتتى جۇمىستاردى قولعا الاتىن بولامىز. سونىمەن بىرگە, قازاقستاننىڭ  ريگاداعى ەلشىلىگىنىڭ اشىلۋىن دا اسىعا كۇتەمىز. بۇل دا قوس شاھار اراسىنداعى جارقىن بايلانىستى تەرەڭدەتە تۇسەر ەدى» دەدى  نيل ۋشاكوۆ.

فورۋمدا «استانا – جاڭا قالا» ارنايى ەكونوميكالىق ايماعى اكىمشىلەندىرۋ باسقارماسى باسشىسىنىڭ مىندەتىن اتقارۋشى ەركەن ايتباەۆ ءسوز سويلەپ, ينۆەستورلار مەن كاسىپكەرلەردى قولداۋعا ارنالعان ەلىمىزدەگى مەملەكەتتىك باعدارلامالارمەن تانىستىردى. ول ەلورداداعى ارنايى ەكونوميكالىق ايماقتا 47 سەرپىندى جوبا جۇزەگە اسىرىلىپ جاتقانىن اتاپ ءوتتى. سونىڭ ىشىندە 19-ى ناقتى پايدالانۋعا بەرىلگەن. ال 17 جوبا – قۇرىلىس ساتىسىندا بولسا, بەسەۋى جەر تەلىمىن رەسىمدەۋ ۇستىندە. تاعى التاۋى جوبالانىپ جاتىر ەكەن. يندۋستريالدىق پاركتە ەركىن كەدەندىك رەجيم ساقتالعانى دا ايتىلدى. وسىندا جۇمىسىن باستاعان ينۆەستورلار جەر, مۇلىك, كورپوراتيۆتىك تابىس سالىقتارىنان بوساتىلىنىن دا لاتىشتار جادىندا تۇيگەنى انىق.

ىسكەرلىك جيىننىڭ سوڭىندا قوس تاراپ ىنتىماقتاستىق تۋرالى مەموراندۋمدارعا قول قويدى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button