مادەنيەت

باپكەرلەردى تۇگەندەگەن تۋىندى

«سامۇرىق قازىنا» ءال-اۋقات قورىنىڭ باس سەرىكتەس بولۋىمەن, «تۋريزم يندۋسترياسى مەن سپورتتى قولداۋ قورىنىڭ» (باس ديرەكتورى اسحات سەيسەمبەكوۆ) تىكەلەي قولداۋىمەن «قازاقتىڭ 90 باپكەرى» كىتابى وقىرمانعا جول تارتتى. تۋىندى اۆتورى – بەلگىلى سپورت ءجۋرناليسى, قازاقستان جاستار وداعىنىڭ, ب.بۇلقىشەۆ جانە س.بەردىقۇل اتىنداعى رەسپۋبليكالىق بايقاۋلاردىڭ, «ۇركەر» ۇلتتىق سىيلىعىنىڭ لاۋرەاتى قىدىربەك رىسبەك. 

[smartslider3 slider=1747]

90 سۇيەكتى ماقالاعا قوسىمشا بۇل ەڭبەككە 60-قا تارتا باپكەردىڭ دەرەكتەرى مەن سۋرەتتەرى ەندى. كىتاپتا 563 فوتوسۋرەت بار. جاڭا جيناقتا تيمۋر سەگىزباەۆ (فۋتبول), امانكەلدى رىمقۇلوۆ (اۋىر اتلەتيكا), ءابىلدا اقشوراەۆ, سەرىكباي تىلەۋباەۆ, جاقسىلىق تۇرعانباەۆ (توعىزقۇمالاق), سەرىك توقتارعازين, مەرەي كوشكىن, سادەت قاسىموۆ (سامبو, دزيۋدو), تاڭاتقان بوكين (پاراۆولەيبول), باقىت قوقىسبەكوۆ, اسان جولداسباي (سامبو), ءورازالى مۇحامەدالينوۆ, ازامات كوكەباي, جۇماحان تۇرعانبەكوۆ, راقىمجان باقىتجانوۆ (گرەك-ريم كۇرەسى), سۇلتان قوبىلاندين (كوگالداعى حوككەي), ورىنباي مايكەەۆ, تيمۋر شاتاەۆ, شاتتىق قاجىمۇقان (كاراتە) سەكىلدى جاتتىقتىرۋشىلاردىڭ قىسقا دا ءتۇيىندى تاريحى مەن شاكىرتتەرى تۋرالى دەرەكتەر ەنگىزىلدى.

سونىمەن قاتار 1945-2021 جىلدار ارالىعىنداعى قازاق سپورتىنىڭ ەڭ ايتۋلى باپكەرلەرى مەن ولار باپتاعان سپورتشىلار ءبىر كىتاپقا جيناقتالدى.

«الاشتىڭ اتاقتى جاتتىقتىرۋشىلارى جايلى تاريحتى الداعى ۋاقىتتا جالعاستىرا تۇسسەك دەگەن نيەت بار» دەيدى كىتاپ اۆتورى قىدىربەك رىسبەك.

وسىنىڭ الدىندا سپورت ءجۋرناليسىنىڭ «قازاقتىڭ 72 باپكەرى» اتتى تاريحي-دەرەكتى ەڭبەگى جارىق كوردى.

بايان اسىلبەكوۆا

 

تاعىدا

ۇقساس جاڭالىقتار

پىكىر ۇستەۋ

Back to top button