استانا قالاسىنىڭ اكىمى يمانعالي تاسماعامبەتوۆتىڭ توراعالىعىمەن قوعامدىق قاۋىپسىزدىك پەن قالاداعى قىلمىس دەڭگەيىن تومەندەتۋ ماسەلەلەرى بويىنشا كەڭەس ءوتتى.
كەڭەستە استانا قالاسى ىشكى ىستەر دەپارتامەنتىنىڭ وتكەن جىلداعى جانە 2014 جىلدىڭ ءتورت ايىنداعى قىزمەتىنىڭ بارىسى مەن ناتيجەلەرى تۋرالى ەلوردالىق پوليتسيا باسشىسى گەنەرال-مايور امانتاي اۋباكىروۆ بايانداما جاسادى. ەگجەي-تەگجەيلى باياندامادان سوڭ قالا باسشىسى قازىرگى زامانعى تەحنولوگيالارعا, سونىڭ ىشىندە پوليتسەيلەردىڭ جۇمىسىن بىرنەشە ەسەگە جەڭىلدەتەتىن جانە قىلمىستاردى اشۋ تيىمدىلىگىن ارتتىراتىن بەينەباقىلاۋ جۇيەلەرىنە ەرەكشە كوڭىل اۋدارۋ كەرەك ەكەندىگىن اتاپ ءوتتى. سونىمەن قاتار, بەينەباقىلاۋ كامەرالارىن اينالىپ ءوتىپ, جولسىز جەرمەن ءجۇرىپ, قالاعا كىرىپ, جول توسەمىنە ايتارلىقتاي زالال كەلتىرەتىن جۇك تاسيتىن ۇلكەن كولىكتەردى باقىلاۋدى كۇشەيتۋدى تاپسىردى.
