«باقىتتى وتباسى» باعدارلاماسى بويىنشا ەكى پايىزدىق نەسيەمەن پاتەر نەمەسە جەكە ءۇي الۋعا ءۇمىتتى قازاقستاندىقتار 20 ماۋسىمنان باستاپ «باقىتتى وتباسى» باعدارلاماسى بويىنشا قۇجات راسىمدەي الادى.
بىراق اتالعان باعدارلاما ارقىلى يپوتەكا راسىمدەۋگە بولىنگەن ۋاقىت ءبىر ايمەن شەكتەلىپ, قۇجات قابىلداۋ ۇستىمىزدەگى جىلدىڭ 19 شىلدەسى كۇنى توقتاتىلادى. «باقىتتى وتباسى» باعدارلاماسى بويىنشا جەكە ءۇي, قولدان ساتىلاتىن ەكىنشى دەڭگەيلى پاتەرلەر نەمەسە جاڭا پاتەر الۋعا مۇمكىندىك بار. نەسيە الۋعا ءۇمىتتى ازاماتتاردىڭ جەرگىلىكتى اتقارۋ ورگاندارىندا كەزەكتە تۇرۋى شارت. ەكى پايىزدىق نەسيەنى تولىق ەمەس وتباسى, مۇگەدەك بالالاردى تاربيەلەپ وتىرعان وتباسى جانە كوپبالالالى وتباسىلار الا الادى.
يپوتەكاعا ءۇمىتتى ازاماتتار ءۇي قۇنىنىڭ 10 پايىزىن الدىن الا تولەۋگە ءتيىس. نەسيەنى قايتارۋ مەرزىمى – 18 جىل. ەكى پايىزدىق نەسيە باعدارلاماسى بويىنشا نۇر-سۇلتان, الماتى, اقتاۋ, اتىراۋ, شىمكەنت قالالارىنىڭ تۇرعىندارىنا 15 ميلليون تەڭگەدەن بولىنسە, قازاقستاننىڭ باسقا قالالارىنىڭ تۇرعىندارى ءۇشىن تيەسىلى سوما 10 ميلليون تەڭگەنى قۇرايدى.
«باقىتتى وتباسى» باعدارلاماسى ءۇشىن 50 ميلليارد تەڭگە بولىنگەن. يپوتەكا الۋ ءۇشىن ءوتىنىشتى بانكتىڭ رەسمي سايتى ارقىلى جىبەرۋگە بولادى.
