الەۋمەتباستى اقپارات

ءبارى بالالار ءۇشىن

 جىل بويى ساباق وقۋدان زەرىككەن بالالار جازعى دەمالىستا ويىنعا قۇمارتىپ, تاڭنىڭ اتىسىنان كەشتىڭ باتىسىنا دەيىن ءۇي كورمەي, ويىن قۋالاپ ءجۇر. سونىڭ سالدارىنان كەيدە بالالار كەلەڭسىزدىككە ۇرىنىپ, ءتۇرلى جايتتارعا تاپ بولىپ جا­تادى. وسىنداي جاعدايلاردى بولدىرماۋ ماقساتىندا قالالىق ءبىلىم باسقارماسى بالالاردىڭ جازعى دەمالىسىن دا نازارىنان تىس قالدىرعان ەمەس. بالالاردىڭ جازعى دەمالىسىن ەستە قالارلىقتاي قىزىقتى قىلىپ وتكىزۋ ءۇشىن ءار ءتۇرلى لاگەرلەر ۇيىمداستىرىلدى. سولاردىڭ ءبىرى – №20 ورتا مەكتەپ جانىنان اشىلعان «دوستىق» بالالار لاگەرى.

 دەمالىس ورنى ءوز جۇمىسىن ماۋسىم ايىندا باستاعان. مۇندا 1-4 سىنىپ ارالىعىنداعى جالپى 200 جاس جەتكىنشەك قامتىلسا, ونىڭ 150-ءى كوپبالالى وت­باسى بالالارى مەن اتا-انا قامقورلىعىنسىز قالعان بۇلدىرشىندەر. لاگەردە ءوز ءىسىنىڭ شەبەرى, بىلىكتى تاربيەشىلەر جۇمىس جاساۋدا.

دەمالىس ورنىنداعى جەتكىنشەكتەردىڭ ۋاقىتتارىن ءتيىمدى پايدالانۋ ماقساتىندا دا جوسپارلى جۇمىستار قولعا الىنعان. سالاۋاتتى ءومىر سال­تىن قالىپتاستىرۋدا بالالار تاڭعى سپورت جاتتىعۋلارىن جاسايدى. سونىمەن قاتار ءار تاراپتى لوگيكالىق ويىندار ۇيىمداستىرىلادى. جولدا ءجۇرۋ قاۋىپسىزدىك ەرەجەلەرىن, ءار ءتۇرلى نىشانداردى بىلدىرەتىن جول بەلگىلەرىن ۇيرەنۋ ۇستىندە. ءار كۇن سايىن باسسەين, كينوتە­اتر, قالا مۋزەيلەرىنە بارۋ­دى جەتكىنشەكتەر ادەتكە اينالدىرعان.

ەلباسىنىڭ ءۇش تۇعىرلى ءتىل ساياساتىن قولدايتىن ۇجىم تاربيەلەنۋشىلەرگە وزگە تىلدەردى ۇيرەتۋدى دە نازاردان تىس قالدىرعان ەمەس. انا ءتىلىمىز بەن ءدىلىمىزدىڭ دە مارتەبەسىن مارقايتۋ ماقساتىندا «ءداستۇرىڭدى ساقتاي ءبىل!», «قازاقشاڭ قالاي؟» سەكىلدى كوپتەگەن شارا­لار كورىنىسىن تاپتى. سونداي-اق قازاق ءتىلى ۇيىرمەسىنىڭ جەتەكشىسى پەرنەگۇل قارجاۋبايقىزىنىڭ «رامىزدەرىم – ماقتانىشىم» اتتى اشىق تاربيە ساعاتى دا اتاپ ايتارلىقتاي.

جۇباتقان تانجانوۆ,
№20 ورتا مەكتەپتىڭ پەداگوگ- ۇيىمداستىرۋشىسى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button