«بارشانىڭ نازارىنا!» قۇلاقتاندىرۋ سيگنالى – توتەنشە جاعدايلار قاتەرى بولعان نەمەسە بولۋى مۇمكىن كەزدە حالىقتىڭ نازارىن اۋدارۋ ءۇشىن دابىلدامالار نەمەسە باسقا دا دابىل بەرۋ قۇرالدارى ارقىلى بەرىلەتىن قۇلاقتاندىرۋدىڭ بىرىڭعاي سيگنالى. ول استانا قالاسى تجد جەدەل كەزەكشىسىمەن, باسقا شۇعىل حابارلاندىرۋلاردىڭ الدىندا بەرىلەتىن, ەسكەرتۋ دابىلى.
دابىلى بەرىلگەن كەزدە تۇرعىلىقتى حالىقتىڭ ءىس-ارەكەتى:
دابىلدى, گۋدوكتى جانە ت.ب., ەستىگەندە تەزارادا راديونى («استانا»; «شالكار»; «رەترو FM»; «اۆتوراديو»; «كازاحسكوە راديو») نەمەسە تەلەديداردى («حابار»; «كازاحستان»; «ورت ەۆرازيا»; «استانا»; «كتك»; «نتك» ارنالارىن) قوسىڭىز جانە بولۋى مۇمكىن جانە بولعان توتەنشە جاعدايلاردىڭ فاكتىسى تۋرالى تجد جەدەل كەزەكشىسىنىڭ حابارلاماسىن جانە ءىس-ارەكەت ءتارتىبىن تىڭداڭىز. ەستىگەن اقپاراتىڭىزدى كورشىڭىزگە جەتكىزىڭىز, سونان سوڭ تىڭداعان ءتارتىپ بويىنشا ءىس-ارەكەت ەتىڭىز. راديودان جانە تەلەديداردان ءماتىن 3-5 رەت 5 مينۋتقا دەيىن قايتالانادى.
حابارلاندىرۋداعى ءماتىندى مۇقيات تىڭداپ, زاقىمدانۋ ايماعىنان شىعۋ مارشرۋتىن ەستە ساقتاپ جانە ابىگەرلەنبەي, تارتىپپەن تەز ارەكەت ەتۋ كەرەك.ۇيدەن شىعاردا, قۇرالداردى, جارىق جانە جىلۋ پريبورلارىن ءوشىرىپ, گازدى بەكىتۋ كەرەك. زاقىمدانعان ايماقتان جەلدىڭ باعىتىنا تىك (پەرپەنديكۋليار) شىعۋ (جەل بۇيىرىڭىزدەن سوعاتىن بولسىن, وڭ قۇلاق, نە سول قۇلاق جاعىڭىزدان) قاجەت. حلور, اممياك ءيىسىن سەزسەڭىز تىنىس جولدارىن قورعايتىن قۇرالداردى كيۋ نەمەسە سۋلانعان ماقتالى-داكەدەن بايلام تاعۋ قاجەت.
تەلە-راديودان حابار الۋعا تەحنيكالىق مۇمكىنشىلىك بولماعان جاعدايدا, وزىڭىزبەن بىرگە ەڭ قاجەتتى زاتتاردى الىڭىز (جەكە قۇجاتتارىڭىز, ءدارى-دارمەك, 3 كۇنگە جەتەرلىك مولشەردە ازىق-تۇلىك جانە سۋ, اقشا, كيىم, اياق كيىم, جەكە تازالىق ساقتاۋ زاتتتارىن) جانە الدىن الا پيك توراعاسىنان, نەمەسە اۋداندىق اكىمدىكتەن انىقتاپ ءبىلىپ الىپ, ەۆاكۋاتسيالىق جيناقتاۋ پۋنكتى عيماراتىنا كەلۋىڭىز كەرەك.
ەستە ساقتاڭىز! دۇرىس جانە ساۋاتتى ءىس-ارەكەت ەتۋ ءسىزدىڭ جانە جاقىندارىڭىزدىڭ ءومىرىن ساقتاۋعا كومەگىن تيگىزەدى.
