باستى اقپارات

باسپانا باعاسى باقىلانادى

– ەلباسى وسى ماسەلەنىڭ سەبەبىن انىقتاۋدى ما­­عان تاپسىرعان بولاتىن. سونىمەن قاتار, بۇل­ ماسەلەمەن ءۇش بىردەي مەملەكەتتىك ورگان اينالىسادى. قازىر ءبىز بىرلەسكەن ءىس-شارالار جوسپارىن ازىرلەپ, جۇمىستى باستاپ كەتتىك.

ءوز تاراپىمىزدان اگەنتتىكتىڭ جۇمىس­­تا­­رىنا توقتالاتىن بولساق, ءىرى قۇرىلىس كوم­­پا­­­نيالارىنىڭ جانە قاۋىمداستىقتاردىڭ باس­­شى­­لارىن شاقىرىپ كەڭەس وتكىزدىك.
ەڭ الدىمەن, قۇرىلىس تا نارىق ەكەنىن ايتا كەتۋ كەرەك. ەگەر ساتىپ الۋشى بار بولاتىن بولسا, قۇرىلىس كومپانيالارى تۇرعىن ءۇيدىڭ ءبىر شارشى مەترىن نەشە تەڭگەدەن ساتاتىنىن ءوزى بىلەدى. بىراق, ءبىز باعانى ورتاشا جالاقىسى بار قالانىڭ قاراپايىم تۇرعىندارى باسپانا ساتىپ الاتىنداي دەڭگەيگە جەتكىزۋىمىز كەرەك. ءىس-شارالار جوسپارى بويىنشا, قۇرىلىس ماتەريالدار قۇنىنا تالداۋ جۇرگىزدىك. كەيىن تسەمەنت, مەتالل, اعاش, كىرپىش وندىرىسىمەن اينالىساتىن كومپانيالاردىڭ ءتىزىمىن جاسادىق. بۇل رەتتە قۇرىلىس ماتەريالدارىن تاسىمالداۋشىلاردى تەكسەرۋدى دە ۇمىتپاۋىمىز كەرەك.

ەگەر قۇرىلىس ماتەريالدارىن جەتكىزىپ بەرەتىن لوگيستيكالىق كومپانيالار اراعا دەلدال سالاتىن بولسا, وندا باعا قىمباتتايدى. ولار باعانى قولدان ءوسىرىپ جاتىر ما, جوق پا, سونى انىقتايمىز. ءارى قۇرىلىس كومپانيالارى تارتىپ وتىرعان جۇمىسشىلاردىڭ جالاقىسىن نازارعا الامىز.

بارلىق ءىس-شارالار اياقتالعاننان سوڭ ءبىز تۇرعىن ءۇي باعاسىنىڭ قىمباتتاۋىنا نە سەبەپ بولىپ وتىرعانىن انىقتاپ, سول سەبەپ-سالدارلاردىڭ ءتىزىمىن جاساپ, ەلباسى مەن ۇكىمەتكە ۇسىنامىز, – دەدى اگەنتتىك توراعاسى ب.قۋاندىقوۆ.

اينۇر شوشاەۆا

تاعىدا

ۇقساس جاڭالىقتار

پىكىر ۇستەۋ

Back to top button