استانا ق. ءىىد جەرگىلىكتى پوليتسيا قىزمەتى, استانا ق. اكىمشىلىكتىڭ قولداۋ كورسەتۋىمەن «استانا-ارەنا» جانە «استانا-بارىس» ستاديوندارىنىڭ باسشىلىقتارى مەموراندۋمعا قول قويدى. سونىڭ ارقاسىندا قازان ايىنان باستاپ جاسوسپىرىمدەر فۋتبول جانە حوككەي ويىندارىنا بارۋدى باستادى.
جۇزگە جۋىق كامەلەت جاسقا تولماعان بالالار «بارىس» (استانا ق.) پەن «سلوۆان» (براتيسلاۆا ق.) اراسىنداعى قۇرلىقتىق حوككەي ليگاسى چەپيوناتىن كورۋگە بارادى. ماتچ سوڭىندا بالالار تانىمال حوككەيشىلەرمەن تىلدەسىپ, سۋرەتكە تۇسۋلەرىنە مۇمكىندىكتەرى بار.
«بالالاردى سپورت تۇرلەرىنە اپارۋىمىزعا اكىمشىلىك وڭاي كولداۋ كورسەتتى, سونداي-اق وسىنداي وڭتايلى ءىس-شارالاردى الداعى ۋاقىتتا جالعاستىرامىز. ءبىزدىڭ باستى ماقساتىمىز – بالالاردىڭ سپورتقا دەگەن قىزىعۋشىلىقتارىن ارتتىرىپ, العا قويعان ماقساتىنا قول جەتكىزگەن سپورتشىلاردىڭ ءومىر تاجىريبەلەرىنىڭ بالالارعا تۇرتكى بولۋىن مىسال رەتىندە كورسەتۋ. كىم ءبىلسىن, بالكىم وسى سپورت ءىس-شارالارىنىڭ بيلەتى بىرەۋدىڭ ومىردەگى باقىتقا دەگەن جولداماسى بولار» – دەيدى استانا ق. ءىىد جەرگىلىكتى پوليتسيا قىزمەتىنىڭ باستىعى.
