باۋىرجان ازانوۆ: ادۆوكاتتىق قىزمەتتI جەتIلدIرۋ قاجەت
ەلىمىزدە ادام قۇقىلارى مەن بوستاندىقتارىن سوتتا قورعاۋعا جانە بiلiكتi زاڭ كومەگiن الۋعا مەملەكەت كەپiلدiك بەرگەن جانە قازاقستان رەسپۋبليكاسىنىڭ كونستيتۋتسياسىن باسشىلىققا الا وتىرىپ, ازاماتتارعا جاردەمدەسۋدە ادۆوكاتتىق قىزمەتتىڭ ماڭىزى زور. ەلىمىزدە بۇل قىزمەت قاشان قالىپتاستى؟ ازاماتتارعا قانداي كومەك كورسەتەدى؟ استانادا ادۆوكات جالداۋدىڭ قۇنى قانشا؟ مەرەيلى مەرەكە قارساڭىندا ادام تاعدىرىنا جاۋاپتىلىقپەن قاراپ, زاڭ شەڭبەرىندە قۇقىقتىق كومەك كورسەتىپ جۇرگەن تاجىريبەلى مامان, استانالىق ادۆوكات باۋىرجان ازانوۆپەن اڭگىمەلەسكەن ەدىك.
– باۋىرجان اسكەربەكۇلى, شەتەل تاجىريبەسىنە سۇيەنسەك, ادۆوكاتتىق قىزمەت – مارتەبەلى ماماندىق. ءتىپتى, دامىعان ەلدەردە «وتباسىلىق ادۆوكات» قىزمەتى بارىنشا جەتىلگەن. ءبىزدىڭ ەلىمىزدە بۇل قىزمەتتىڭ جاعدايى قالاي؟
– جاسىراتىنى جوق, ءبىزدىڭ ەلىمىزدە ادۆوكاتتىق قىزمەتتىڭ جاعدايى تومەن. بۇگىنگى قوعامدا, قاراپايىم قوعام مۇشەلەرى اراسىندا قۇقىققا دەگەن كوزقاراستىڭ وزگەرۋى, جالپى قۇقىققا بايلانىستى باعانىڭ تومەندەۋى نيگيليستىك سانانىڭ دامۋىنا اكەلۋدە. ماسەلەن, قىزمەت بابىندا, ءىس بارىسىندا مينيسترلىكتە جۇمىس ىستەيتىن لاۋازىمدى تۇلعالارمەن ءجيى اڭگىمەلەسۋگە تۋرا كەلەدى. سوندا بايقاعانىم, زاڭدى باقىلايتىن كەيبىر كىسىلەردىڭ ءوزىنىڭ قۇقىقتىق ساۋاتى تومەن. سوندىقتان, الدىمەن ادامنىڭ قۇقىقتىق ساناسى وزگەرمەي, زاڭ شەڭبەرىندە ءىس-ارەكەت ەتۋدى ۇيرەنبەي قوعامنىڭ دامۋى ەكىتالاي دەپ ويلايمىن. ال, ەلىمىزدە ادۆوكاتتىق قىزمەت جەتىلدىرۋدى تالاپ ەتەدى.
– ەلىمىزدىڭ ءاربىر قالاسىندا ادۆوكاتتار القاسىنىڭ جۇمىس ىستەيتىنىن بىلەمىز. ولار ازاماتتارعا قانداي قىزمەت كورسەتەدى؟
– قازاقستان رەسپۋبليكاسىنىڭ 1997 جىلعى 5 جەلتوقساندا قابىلدانعان «ادۆوكاتتىق قىزمەت تۋرالى» زاڭى بار. سول زاڭنىڭ 4-بابىنا سايكەس, ادۆوكاتتار اۋىزشا جانە جازباشا نىساندا قۇقىقتىق ماسەلەلەر بويىنشا كەڭەس بەرەدى, ارىزدار, شاعىمدار, وتىنىشتەر مەن قۇقىقتىق سيپاتتاعى باسقا دا قۇجاتتاردى جاسايدى, سەنىم ءبىلدىرۋشىنىڭ وكىلى رەتىندە ازاماتتىق سوت ءىسىن جۇرگىزۋگە, قورعاۋشىنىڭ نەمەسە سەنىم ءبىلدىرۋشىنىڭ وكىلى رەتىندە قىلمىستىق جانە اكىمشىلىك سوت ءىسىن جۇرگىزۋگە قاتىسادى. مەدياتسيا جۇرگىزۋ كەزىندە, تورەلىكتە, ارالىق سوتتا جانە داۋلاردى شەشەتىن وزگە دە ورگانداردا ىستەردى تالقىلاۋعا سەنىم ءبىلدىرۋشىنىڭ وكىلى رەتىندە قاتىسا الادى. مەملەكەتتىك ورگانداردا, قوعامدىق بىرلەستىكتەر مەن وزگە دە ۇيىمداردا سەنىم ءبىلدىرۋشىنىڭ مۇددەسىن بىلدىرەدى. سونىمەن قاتار, سەنىم ءبىلدىرۋشىنىڭ وكىلى رەتىندە اتقارۋشىلىق ءىسىن جۇرگىزۋگە, سونداي-اق, قىلمىستىق جازانى ورىنداۋ كەزىندە قاتىسادى. جانە ءبىزدىڭ زاڭداردا تىيىم سالىنباعان وزگە دە قۇقىقتىق كومەكتەرىن كورسەتەدى.
– ەندەشە وسى قىزمەتتى جالداۋدىڭ قۇنى قانشا؟
– بۇل اقىلى قىزمەت بولعاندىقتان, ەڭ الدىمەن, ادۆوكاتپەن كەلىسىمشارتقا وتىرادى. ادۆوكاتتىڭ قىزمەتى ەكى جاقتىڭ كەلىسىمىمەن بەلگىلەنەدى. ادۆوكات شارت جاساسپاستان بۇرىن اقىسىن اتقاراتىن جۇمىسىنىڭ اۋقىمىنا, ءىستىڭ دەڭگەيىنە, ءوزىنىڭ بىلىكتىلىگى مەن ءتاجىريبەسىنە قاراي تاعايىندايدى.
– ازاماتتار ءسىزدىڭ قىزمەتىڭىزگە كوبىنە قانداي ىستەر بويىنشا ءجيى جۇگىنەدى؟
– مەنىڭ ويىمشا, جىل سايىن ادۆوكاتتاردىڭ قىزمەتىنە جۇگىنەتىندەر سانى ارتىپ كەلەدى. ماعان كوبىنە اكىمشىلىك جانە ازاماتتىق ىستەر بويىنشا كومەك سۇراپ كەلەدى. سونىمەن قاتار, بۇگىنگى قوعامدا ەڭبەك داۋى ۋشىعىپ تۇر. ازاماتتاردىڭ كوبى جۇمىستان زاڭسىز بوساتىلعان جاعدايدا ادۆوكاتتىق قىزمەتكە جۇگىنەدى. ماسەلەن, استانا قالاسىندا ازاماتتاردى جۇمىستان وڭاي بوساتا سالۋ كوپ كەزدەسەدى. كوپتەگەن باسشىلار ەڭبەك كودەكسىندەگى زاڭ تالاپتارىن ساقتاي بەرمەيدى. وسى رەتتە مەكەمە باسشىلارى الدىمەن زاڭ تالاپتارىن باسشىلىققا الىپ, ادام تاعدىرىنا جاۋاپتىلىقپەن قاراسا دەيمىن.
– قازىر ەلوردادا ادۆوكاتتىق كەڭسەلەر كوبەيىپ كەلەدى. بۇل كوممەرتسيالىق ۇيىمعا جاتا ما؟
– جوق, ادۆوكات كەڭسەسi – كوممەرتسيالىق ەمەس ۇيىم. ول ادۆوكاتتاردىڭ زاڭ كومەگiن كورسەتۋiنiڭ ماتەريالدىق, ۇيىمداستىرۋشىلىق-قۇقىقتىق جانە وزگە دە شارتتارىن قامتاماسىز ەتۋ ماقساتىندا قۇرىلادى. ايتا كەتكەن ءجون, ادۆوكات كەڭسەسiن ادۆوكاتتار القاسىنىڭ مۇشەسi قۇرادى. سونىمەن قاتار, ادۆوكات تەك بiر عانا ادۆوكات كەڭسەسiنiڭ قۇرىلتايشىسى بولا الادى.
– وسى سالادا «ادۆوكات قۇپياسى» دەگەن تەرمين كەزدەسەدى. ونى قالاي تۇسىنۋگە بولادى؟
– بۇل تەرمين تۋرالى زاڭدا ارناۋلى باپ بار. ياعني, «ادۆوكاتتىق قىزمەت تۋرالى» زاڭنىڭ ەكىنشى تاراۋىنداعى 18-باپ ادۆوكات قۇپياسىنا ارنالعان.
ازاماتتاردىڭ ادۆوكاتقا جۇگiنۋ فاكتiسi, كومەك سۇراپ ءوتiنiش جاساعان اداممەن جانە باسقا دا ادامدارمەن جاسالعان اۋىزشا جانە جازباشا كەلiسسوزدەردiڭ مازمۇنى تۋرالى, كومەك سۇراپ, ءوتiنiش جاساعان ادامنىڭ مۇددەلەرiندە جاسالاتىن ارەكەتتەردiڭ سيپاتى مەن ناتيجەلەرi تۋرالى مالiمەتتەر, سونداي-اق قۇقىقتىق كومەك كورسەتۋگە قاتىستى وزگە اقپاراتتار – ادۆوكات قۇپياسى. ەكىنشىدەن, ادۆوكاتتاردىڭ, ولاردىڭ كومەكشىلەرى مەن تاعىلىمدامادان وتۋشىلەردىڭ ادۆوكاتتار القاسى تورالقاسى, زاڭ كونسۋلتاتسياسى, ادۆوكات كەڭسەسi قىزمەتكەرلەرiنiڭ زاڭ كومەگiن كورسەتۋگە بايلانىستى الىنعان مالiمەتتەردi جاريا ەتۋگە, سونداي-اق ءوز مۇددەلەرi نەمەسە ءۇشiنشi بiر ادامداردىڭ مۇددەلەرi ءۇشiن پايدالانۋعا قۇقى جوق. سونىمەن قاتار, ادۆوكات قۇپياسىنا جاتاتىن مالiمەتتەردi كومەك سۇراپ ءوتiنiش جاساعان ادامنىڭ كەلiسiمiنسiز جاريا ەتكەن ادۆوكات زاڭعا سايكەس جاۋاپقا تارتىلادى.
– سوڭعى ساۋال: ازاماتتاردىڭ قۇقىقتىق ساۋاتىن جەتىلدىرۋ ءۇشىن نە ىستەۋ كەرەك؟
– ولاردىڭ قۇقىقتىق ساۋاتىن ارتتىرۋدا, الدىمەن كەڭەس بەرۋدىڭ ءتيىمدى جولدارىن قاراستىرعان ابزال. اسىرەسە, تۇرعىن ءۇي, جەر, ەڭبەك داۋى, الەۋمەتتىك جانە باسقا دا ءماسەلەلەردى وڭتايلى شەشۋ جولدارىن كەڭىنەن ءتۇسىندىرۋ قاجەت. ەلباسى قازاقستاننىڭ وركەندەۋى ءۇشىن قۇقىقتىق ساۋاتتىلىقتى, تاربيەنى, سانانى جەتىلدىرۋ قاجەتتىلىگىنە نازار اۋدارىپ كەلەدى. ەلىمىزدىڭ زاڭدارىن ساقتاۋ – جاۋاپكەرشىلىكتى, ءتۇسىنىستىكتى, زاڭ تالاپتارىن ءبىلۋدى جانە سوعان سايكەس مىنەز-قۇلىق پەن ءىس-ارەكەتتەردى ءۇيلەستىرۋدى تالاپ ەتەدى.
– اڭگىمەڭىزگە راحمەت!
گۇلميرا ايماعانبەت