ءبىلىمجاڭالىقتار
باياندى ىستەر بايىبى
وتكەن اپتادا استانا قالاسى ىشكى ساياسات باسقارماسىنىڭ ۇيىمداستىرۋىمەن «قر تۇڭعىش پرەزيدەنتى – تاۋەلسىز مەملەكەتتىڭ كوشباسشىسى» اتتى عىلىمي-تاجىريبەلىك كونفەرەنتسيا ءوتتى.
قر پارلامەنتى مەن قالالىق ءماسليحات دەپۋتاتتارى, مەملەكەتتىك ورگان قىزمەتكەرلەرى, عىلىمي-شىعارماشىلىق, زيالى قاۋىم وكىلدەرى, ساياساتتانۋشى عالىمدار مەن ساراپشىلار باس قوسقان جيىندا ەلباسى نۇرسۇلتان نازارباەۆتىڭ مەملەكەتتىلىكتى نىعايتۋداعى ساياسي, الەۋمەتتىك-ەكونوميكالىق رەفورمالارى, ەل قاۋىپسىزدىگى مەن تۇراقتىلىعىن ساقتاپ, بەيبىتشىلىك پەن كەلىسىمدى قامتاماسىز ەتۋدەگى ەڭبەگى تۇرعىسىندا وي-پىكىرلەر ورتاعا سالىنىپ, وسى تاقىرىپتا باياندامالار وقىلدى. سونىمەن بىرگە, قازاقستاننىڭ ءبىلىم جۇيەسىندە كەزەك كۇتتىرمەيتىن وتكىر ماسەلەلەر دە قوزعالدى.
كونفەرەنتسيا سوڭىندا قاتىسۋشىلارعا ۇيىمداستىرۋشىلار تاراپىنان الدان سمايىلدىڭ «تاريح تاڭداعان استانا» كىتابى سىيعا تارتىلدى.