بەرەكەلى ءبىلىم بەسىگى

قازىرگى تاڭدا ەل جاستارى ءۇشىن بولاشاققا تاڭداۋ جاسايتىن جاۋاپتى كەزەڭ. اركىم جۇرەك قالاۋىمەن ومىرىنە وزەك بولاتىن بەرەكەلى ءبىلىم بۇلاعىن ىزدەيدى. مىڭداعان مەكتەپ تۇلەكتەرى جوعارى جانە ورتا ارناۋلى وقۋ ورىندارىنىڭ تابالدىرىعىن اتتايدى.

وسى ورايدا, ءار تالاپكەر ءوزىنىڭ قارىم-قابىلەتىنە قاراي تاڭداۋ جاسايتىنى بەلگىلى. ساپالى ءبىلىم مەن قىزىقتى ستۋدەنتتىك ءومىردىڭ قايناعان قازانى بولىپ وتىرعان سونداي وقۋ ورىندارىنىڭ ءبىرى دەپ استانا قالاسىنداعى قازاق تەحنول وگيا جانە بيزنەس ۋنيۆەرسيتەتى مەن كوللەدجىن ايتۋعا بولادى.

بۇل وقۋ ورداسىنىڭ بىردەن-ءبىر ەرەكشەلىگى – مۇندا ءبىرىنشى كەزەكتە, مۇناي جانە گاز, جەڭىل جانە تاماق ونەركاسىبى تەحنولوگيالارى, سونى­مەن قاتار باسقا دا ماماندار دايارلا­نادى. اتاپ ايتقاندا, 18 ماماندىق بويىنشا باكالاۆر, 5 ماماندىق بويىنشا ماگيستر, سونىمەن قاتار ۋنيۆەرسيتەت كوللەدجىندە 10 ماماندىق بويىنشا ءبىلىم بەرىلەدى. ۋنيۆەرسيتەت قۇرىلىمى 2 فاكۋلتەت جانە 6 كافەدرادان تۇرادى, كوللەد­جدە 6 ءبولىم بار. سونىمەن قاتار, ۋنيۆەرسيتەتتە لابوراتوريالىق جانە پراكتيكالىق ساباقتاردى وتكىزەتىن 27 اۋديتوريا, ونىڭ ىشىندە اناليتيكالىق حيميا, ورگانيكالىق حيميا, فيزكوللويدتى حيميا, ورگانيكالىق زاتتاردىڭ تەحنولو­گياسى, قورشاعان ورتانى قورعاۋ, ەكولوگيا, ميكرو-ماكروەكونوميكا, تۋريزم, مەيرامحانا ءىسى جانە قوناق ءۇي, تاماق ونىمدەرى تەحنولوگياسى, بيوتەحنولوگيا, فيزيكا, ەلەكترو­تەحنيكا لابوراتوريالارى, ينتەر­نەتكە قوسىلعان توعىز كومپيۋتەرلىك سىنىپ جانە لينگوفوندىق كابينەت قىزمەت ەتۋدە.

2012 جىلى ۋنيۆەرسيتەتتە وتكىزىلگەن پاندىك وليمپياداعا استا­نا قالاسىنىڭ مەكتەپتەرى بەلسەندى قاتىسىپ, ونىڭ ىشىندە 8 مەكتەپتىڭ 9-11-سىنىپ وقۋشىلارى ۇزدىك ءبىلىم كورسەتىپ, جۇلدەلى ورىندار مەن ۋني­ۆەرسيتەت رەكتورىنىڭ ءبىلىم بەرۋ گرانتتارى سەرتيفيكاتتارىنىڭ يەگەرلەرى اتاندى. جالپى ۋنيۆەرسي­تەت گرانتتارىنىڭ يەگەرلەرى بولىپ 44 مەكتەپ تۇلەگى تانىلىپ وتىر.

سونىمەن قاتار, بيىل استا­نا قالاسى ءبىلىم باسقارماسىنىڭ قولداۋىمەن قازاق تەحنولوگيا جانە بيزنەس ۋنيۆەرسيتەتىنىڭ كۋبوگى ءۇشىن شاعىن فۋتبولدان قالامىزداعى مەكتەپ وقۋشىلارى اراسىندا جارىس وتكىزىلدى. بۇل جارىسقا استانا قالاسىنىڭ 36 مەكتەبىنىڭ كوماندالارى قاتىسىپ, ءوز كۇشتەرىن سىنادى. جاقسى ويىنى­مەن كوزگە ءتۇسىپ, جۇلدەلى ورىندارعا يەلەنگەن كوماندالارعا ديپلومدار مەن قارجىلاي سىيلىقتار بەرىلدى.

بيىل وتكەن رەسپۋبليكالىق «ماۋسىماشار -2012» كتك فەستيۆالىنىڭ قورىتىندىسى بوي­ىنشا قازاق تەحنولوگيا جانە بيز­نەس ۋنيۆەرسيتەتى مەن كوللەدجىنىڭ «استانادا جاسالعان» كوماندا­سى رەسپۋبليكالىق «قىزىلجار» ايماقتىق ليگاسىنىڭ شيرەك في­نالىندا ونەر كورسەتىپ, جارتىلاي فينالعا جولداما الدى.

ءساۋىر ايىندا استانا قالاسىنىڭ جاستار ساياساتىن قولداۋ مەملەكەتتىك قورىنىڭ ۇيىمداستىرۋىمەن جوعارى جانە ورتا وقۋ ورىندارى ارۋلارى اراسىندا «قىز – ەلدىڭ ارايى!» اتتى سايىس ءوتتى. وسى سايىسقا بارلىعى 10 ارۋ قاتىسقان ەدى. قازتبۋ اتىنان «مەيرامحا­نا ءىسى جانە مەيمانحانا بيزنەسى» ماماندىعىنىڭ ءى كۋرس ستۋدەنتى اقەركە تولەگەن قاتىسىپ, كۇمىس جۇلدەگەر اتاندى. ال كوللەدجدىڭ «مۇناي جانە گاز ونىمدەرىنىڭ تەحنولوگياسى» ماماندىعىنىڭ ستۋدەنتى ايگەرىم قۇلبەكوۆا باعىن سىناپ, «كورەرمەندەر كوزايىمى» نوميناتسياسىنا يە بولدى.

ۇلى جەڭىستىڭ 67 جىلدىعىنا وراي, ۋنيۆەرسيتەتتىڭ بەلسەندى ستۋدەنتتەرى استانالىق ءبىر توپ ارداگەرلەردى قۇتتىقتاپ, ولاردىڭ ومىرلەرى تۋرالى, سوعىستا وتكىزگەن اۋىر جىلدارى تۋرالى اقپاراتتار الدى. ارداگەرلەرگە قايىرىمدىلىق كومەك كورسەتىپ, قامقورلىق تا­نىتتى. ۋنيۆەرسيتەت باسشىلىعى ارداگەرلەرگە الەۋمەتتىك پاكەتتەر تاپسىرۋدى داستۇرگە اينالدىرىپ وتىر.

وسىنىڭ ءبارى ەل ەرتەڭى ءۇشىن جان اياماي كۇرەسكەن اعا ۇرپاققا دەگەن قۇرمەتتىڭ بەلگىسى دەپ تۇسىنەمىز. بۇل جاستار ءۇشىن ايرىقشا ۇلگى-ونەگە بولىپ وتىرعانى ءسوزسىز.

سونىمەن قاتار ۋنيۆەرسيتەت ستۋدەنتتەرى قالالىق, رەسپۋبليكالىق جانە حالىقارالىق, دۇنيەجۇزىلىك فورۋمدارعا, مىسالى وبسە ءسامميتى, قىسقى ازيادا ويىندارى, پرەزيدەنت سايلاۋى, استانا كۇنى سياقتى اۋقىمدى شا­رالاردى ۇيىمداستىرۋعا بەلسەندى قاتىسىپ, ۆولونتەرلى ىستەر اتقارا ءبىلدى. «اقپاراتتىق جۇيەلەر» ماماندىعىنىڭ ستۋدەنتى لاۋرا مەڭدىعاليەۆا جانە «ديزاين» ماماندىعىنىڭ ستۋدەنتى عالىمجان يسماگۋلوۆ قازاقستان رەسپۋبليكا­سى پرەزيدەنتىنىڭ العىس حاتىمەن ماراپاتتالدى.

ەندىگى ءبىر ەرەكشە اتاپ ايتپاعىمىز, قالانىڭ سول جاعالاۋىنان, «حانشاتىر» ويىن-ساۋىق ورتالىعىنان 800 مەتر قاشىقتىقتا 7 گەكتاردان اسا جەرگە كازاق تەحنو­لوگيا جانە بيزنەس ۋنيۆەرسيتەتى جاڭا كامپۋسىن سالۋدى جوسپارلاپ وتىر وقۋ كورپۋستارىنىڭ جالپى اۋدانى 60000 شارشى مەتر اۋماقتى قامتيتىن بولادى.

بۇل كۇندە كامپۋستىڭ جوباسى قالانىڭ ارحي­تەكتۋرا كوميسسياسىندا بەكىتىلدى. قۇرىلىس جۇمىستارى الداعى شىلدە ايىندا باستالماق. ۋنيۆەرسيتەتتىڭ ساۋلەتتى عيماراتىنىڭ 1-ءشى كەزەگى 2013 جىلدىڭ شىلدە ايىندا پايدالانۋعا بەرىلەتىنى جوسپار­لانۋدا. دەمەك, وقۋ ورداسىنىڭ كەلەشەكتەگى كەلبەتىنىڭ كوركەم دە كەلىستى بولاتىنىنا سەنىم مول.

عالىم قوجابەكوۆ