ەلوردادا قوعامدىق كولىكتەردە جول ءجۇرۋ اقىسى وسكەنىمەن, قىزمەت كورسەتۋ ساپاسى جاقساردى ما؟ اۆتوبۋستاردىڭ ءجۇرۋ جيىلىگىن ارتتىرۋ جايى قالاي؟ مىنە, وسى ماسەلەلەر كوپشىلىكتى تولعاندىراتىنى جاسىرىن ەمەس. ويتكەنى, قالا حالقىنىڭ جارتىسىنا جۋىعى قوعامدىق كولىكتەرمەن جۇرەدى. سوندىقتان, كۇن سايىن باعىتتاعى اۆتوبۋستاردى تەكسەرىپ وتىراتىن باقىلاۋ-جەلىلىك قىزمەتى ىسكە قوسىلعان.
راسى كەرەك, جولاقىنى الىپ, بيلەت بەرمەيتىن كوندۋكتورلار دا بار. ال, بيلەت بەرىلمەي الىنعان جولاقى اۆتوپاركتەردىڭ بيۋدجەتىنە كەرى اسەرىن تيگىزەدى. سونىڭ سالدارىنان كىرىستىڭ تومەندەۋى, سالىق سالۋ بازاسىنىڭ ازايۋى سياقتى كەلەڭسىزدىكتەر كوبەيەدى. تاسىمالداۋشىلار الەۋەتتى تابىسىن تولىق الا المايدى.
ەندى, مىنە, ەلوردالىق تاسىمالداۋشىلار وسى ماسەلەلەرگە باسقا قىرىنان كەلىپ, ايىرىقشا اكتسيا ۇيىمداستىرماق. بارلىق قالالىق جولاۋشىلار اۆتوبۋستارىندا «كوندۋكتور بيلەت بەرمەدى مە؟ بيلەت بەرمەسە, وندا تەگىن جول ءجۇرگەنىڭ» دەگەن پلاكاتتار جازىلادى. مۇنداي اكتسيا وتكىزۋدىڭ ءمانى – كوندۋكتورلاردى مىندەتتەرىن ادال اتقارۋعا ۇندەۋ. تاعى ءبىر ايتا كەتەتىن ءجايت, باقىلاۋ-جەلىلىك قىزمەتىنىڭ كەزەكتى تەكسەرۋى بارىسىندا بيلەتسىز جولاۋشىنىڭ جاۋاپكەرشىلىگى كوندۋكتورعا عانا جۇكتەلەدى. ۇيىمداستىرۋشىلار اكتسيا ءىس-شاراسى ءوز پايداسىن كوزدەيتىن كوندۋكتورلارعا ساباق بولىپ, جالپى جولاۋشىلاردىڭ ازاماتتىق جاۋاپكەرشىلىگىن ارتتىرۋعا ىقپال ەتەتىندىگىن ايتادى.
جۇما عازيەۆ
