ەلباسى نۇرسۇلتان نازارباەۆتىڭ «قازاقستان — 2050 ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى بيىلعى قازاقستان حالقىنا جولداۋى كوپشىلىك اراسىندا قىزۋ قولداۋ تاپتى.
قازاقستان-رەسەي ۋنيۆەرسيتەتىندە دە ەلباسىنىڭ جولداۋى كەڭىنەن تالقىلاندى. وعان ۋنيۆەرسيتەت وقىتۋشىلارى مەن ستۋدەنتتەر قاتىستى. ۋنيۆەرسيتەت پرەزيدەنتى مارات مولداحمەتوۆ ستۋدەنتتەرگە زاماناۋي ءبىلىم بەرۋ جۇيەسىنىڭ, كادر دايارلاۋ مەن قايتا دايارلاۋدىڭ نەگىزگى باعدارى تۋرالى ءتۇسىندىردى. ءبىلىم مەن كاسىبي ماشىق ءوزارا ۇيلەسىم تاپقاندا عانا ۇلت العا جىلجيدى. «باسەكەگە قابىلەتتى دامىعان مەملەكەت بولۋ ءۇشىن ءبىز ساۋاتتىلىعى جوعارى ەلگە اينا-لۋىمىز كەرەك» دەگەن ەلباسىنىڭ ءسوزى ءاربىر جاستىڭ ماقساتى بولۋى ءتيىس ەكەنىن جەتكىزدى.
سونداي-اق, پرەزيدەنت جولداۋىندا بۇكىل الەمدەگى سياقتى قازاقستان دا مەكتەپكە دەيىنگى ءبىلىم بەرۋدىڭ جاڭا ادىستەرىنە كوشۋ تۋرالى ايتىلعان بولاتىن. سونىمەن قاتار ەلباسى «قازاقستان – 2050» ستراتەگياسىنىڭ جاڭا باعىتىن ەسكەرە وتىرىپ, ۇكىمەتكە 2013 جىلدان باستاپ حالىقارالىق ۇلگىدەگى كۋالىكتەر بەرۋ ارقىلى ينجەنەرلىك ءبىلىم بەرۋ جانە زاماناۋي تەحنيكالىق ماماندىقتار جۇيەسىن دامىتۋدى قامتاماسىز ەتۋدى تاپسىرعان بولاتىن. سەبەبى, جولداۋدا ايتىلعانداي, كاسىبي-تەحنيكالىق جانە جوعارى ءبىلىم ەڭ ءبىرىنشى كەزەكتە ۇلتتىق ەكونوميكانىڭ ماماندارعا دەگەن قازىرگى جانە كەلەشەكتەگى سۇرانىسىن بارىنشا وتەۋگە باعدار ۇستاۋى كەرەك. كوپ جاعىنان بۇل حالىقتى ەڭبەكپەن قامتۋ ماسەلەسىن شەشىپ بەرەدى.
حاميت ەسامان