تەحنيكانى تالاپقا ساي مەڭگەرگەن ماماندارعا ءزارۋمىز. سوندىقتان ءوندىرىسىمىز توقىراپ, قىرۋار قارجىعا بەلشەدەن باتپاس ءۇشىن وقۋ ۇدەرىسىنە تىڭ باعدارلاما ەنگىزىلۋى شارت.
مەملەكەت باسشىسى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا وسىعان ەرەكشە ەكپىن بەردى. اتالعان تالاپ ۇدەسىنەن كورىنۋ ماقساتىن كوزدەپ, قازتۇتىنۋوداعىنىڭ ساۋدا-ەكونوميكالىق كوللەدجى دوڭگەلەك ۇستەل جيىنىن وتكىزدى.
باسقوسۋدا ءسوز العان «نۇر وتان» حدپ استانا قالالىق فيليالى توراعاسىنىڭ ءبىرىنشى ورىنباسارى قايرات جاڭابەرگەنوۆ ەلباسىنىڭ باعدارلامالىق ماقالاسىندا بارلىق سالاعا مىندەتتەر جۇكتەلگەنىن مالىمدەدى. سونىڭ ەڭ باستىسى – كاسىپتىك ءبىلىم بەرۋدى ۋاقىت تالابىمەن ۇندەستىرۋىمىز قاجەت.
استانا قالالىق ءماسليحاتىنىڭ حاتشىسى سانسىزباي ەسىلوۆ ەلوردامىزدا ينجەنەر, مەحانيكتەردىڭ جەتىسپەيتىنىن جانە كەيبىر كوللەدجدەر وزدەرىنىڭ مۇمكىندىگىنە ساي ەمەس مامان دايارلاپ وتىرعانىن العا تارتتى. ال ساۋدا-ەكونوميكالىق كوللەدجىنىڭ تۇلەگى اينۇر قۇسپان جاڭادان جۇمىسقا قابىلدانعاندارعا سىناق مەرزىمىن ۇزارتۋدى قوزعادى.
ساۋدا-ەكونوميكالىق كوللەدجىنىڭ ديرەكتورى مىرزابەك كۇجىموۆ ءمودۋلدى باعدارلامانىڭ ەرەكشەلىگىنە تۇسىنىكتەمە بەرىپ, جەكەلەگەن ولقىلىقتىڭ سەبەپ-سالدارىن اشىپ ايتتى.
ءامىرحان الماعانبەتوۆ
