استانا قالاسى اكىمدىگىنىڭ جانىنداعى ۇكىمەتتىك ەمەس ۇيىمدارمەن ىنتىماقتاستىق جانە ءوزارا ارەكەت جونىندەگى كونسۋلتاتسيالىق كەڭەستىڭ وتىرىسى ءوتتى.
استانا قالاسى ىشكى ساياسات باسقارماسىنىڭ باستىعى بولات تىلەپوۆتىڭ ايتۋىنشا, بۇگىنگى تاڭدا استانادا رەسمي تۇردە 280 ۇكىمەتتىك ەمەس ۇيىم تىركەلگەن. ولاردىڭ جىل باسىنان بەرى اتقارعان شارۋالارىن قورىتىندىلاي كەلە, باسقارما باستىعى قازىرگى كەزدە جالپى قۇنى 38 ملن تەڭگەنى قۇرايتىن 19 الەۋمەتتىك جوبانىڭ جۇزەگە اسىرىلعانىن ايتتى.
كۇن تارتىبىندەگى ماسەلە بويىنشا قالالىق مادەنيەت باسقارماسى باستىعىنىڭ ورىنباسارى سامات تەرگەمباەۆ ءسوز سويلەپ, مەملەكەتتىك ورگاندار مەن ۇكىمەتتىك ەمەس ۇيىمداردىڭ, ەتنومادەني بىرلەستىكتەردىڭ باس شاھارداعى مادەني-كوپشىلىك شارالاردى ۇيىمداستىرىپ, وتكىزۋدەگى ىنتىماقتاستىعى تۋرالى اڭگىمەلەدى.
بۇل رەتتە استانادا اۋقىمدى ىستەر اتقارىلۋدا.
ۇكىمەتتىك ەمەس ۇيىمدار قالادا ۇيىمداستىرىلاتىن شارالارعا بەلسەنە اتسالىسۋدا. تەك وسىنداي ءىس-شارالاردى وتكىزۋگە الدىمەن قاراجات قاجەت ەكەنى بەلگىلى. بۇل باعىتتا الەۋمەتتىك سالاعا دەربەس بولىنگەن قارجىنىڭ جوقتىعىنا قاراماستان, ۇيىمداستىرۋشىلىق جاعىنان بارىنشا كومەك كورسەتىپ كەلە جاتقاندارىن جەتكىزگەن باسقارما باستىعىنىڭ ورىنباسارى الداعى ۋاقىتتا دا ءدال وسىنداي بەلسەندىلىك تانىتىپ, ۇكىمەتتىك ەمەس ۇيىمداردى ىنتىماقتاسا ەڭبەك ەتۋگە شاقىردى.
بىرلەسىپ اتقارىلعان ءىس قاشان دا ناتيجەلى بولادى. سوندىقتان, بارشامىزعا ورتاق ىستە ۇيىمشىلدىق تانىتىپ, بىرلەسە ەڭبەك ەتۋدىڭ بەرەكە اكەلەتىنىن ەستەن شىعارماعان يگى.
وتىرىسقا قاتىسقاندار وسىنداي ويمەن تارقاستى.
گۇلبارشىن وكەشقىزى
