پرەزيدەنت پارمەنى

بيىل 6 مىڭ وتباسى باسپانالى بولادى

بۇل تۋرالى كەشە ۇكىمەت وتىرىسىندا قر پرەمەر-ءمينيسترى اسقار مامين مالىمدەدى. «1 مامىردان باستاپ ءبىز كوپبالالى وتباسىلارعا پاتەر بەرۋدى باستايمىز. ەكى جىلدىڭ ىشىندە «قازاقستاننىڭ تۇرعىن ءۇي قۇرىلىس جيناق بانكى» ارقىلى 22,5 مىڭ وتباسى جەڭىلدەتىلگەن نەسيە الادى» دەدى ۇكىمەت باسشىسى.

ول «نۇرلى جەر» جانە «7-20-25» باعدارلاماسى مەملەكەت باسشىسىنىڭ حالىقتىڭ تۇرعىن ءۇي جاعدايلارىن جاقسارتۋعا نەگىزدەلگەنىن اتاپ ءوتتى. 2019 جىلى ەلىمىزدە 13,1 ميلليون شارشى مەتر تۇرعىن ءۇي پايدالانۋعا بەرىلەدى. بۇل جوسپار ورىندالۋى ءۇشىن ءوڭىر اكىمدەرى جەر ءبولۋ, قۇرىلىس الاڭدارىنا كوممۋنيكاتسيالار تارتۋ جۇمىستارىن جەدەلدەتۋى ءتيىس. پرەزيدەنتتىڭ حالىقتى الەۋمەتتىك قولداۋ شارالارى شەڭبەرىندە قازاقستانداعى 6 مىڭ كوپبالالى وتباسى باسپانامەن قامتاماسىز ەتىلەدى. زاڭنامالىق اكتىلەرگە وزگەرىستەر ەنگىزىلىپ بولعاننان كەيىن, پاتەرلەر ءبولىنىپ بەرىلە باستايدى.
ۇكىمەت وتىرىسىندا ءسوز سويلەگەن يندۋستريا جانە ينفراقۇرىلىمدىق دامۋ ءمينيسترى رومان سكليار جىل باسىنان بەرى ەلىمىزدە 1,7 ملن شارشى مەتر تۇرعىن ءۇي پايدالانۋعا بەرىلگەنىن حابارلادى. الداعى ۋاقىتتا جالعا بەرىلەتىن تۇرعىن ۇيلەردىڭ قۇرىلىسىنا رەس­پۋبليكالىق بيۋدجەتتەن 32,8 ملرد تەڭگە ءبولۋ قاراستىرىلعان. بۇل قاراجاتقا شامامەن 4500 پاتەر سالىنادى.
«مەملەكەت باسشىسىنىڭ تاپسىر­ماسىن جۇزەگە اسىرۋ ماقساتىندا 2019 جىلدىڭ بيۋدجەتىن ناقتىلاۋ اياسىندا كوپبالالى وتباسىلارعا ارنالعان جالعا بەرىلەتىن باسپانالاردى سالۋعا جانە ساتىپ الۋعا وڭىرلەرگە 50 ملرد تەڭگە ءبولۋ قاراستىرىلعان. جەتى جىلدىڭ ىشىندە 350 ملرد تەڭگە بولىنەدى» دەپ ءتۇسىندىردى رومان سكليار. ول ەلىمىز بويىنشا اكىمدىكتەردىڭ جەلىسى بويىنشا وبليگاتسيالىق قارىزداردىڭ ەسەبىنەن سالىنعان 2 مىڭ پاتەر ساتىپ الىناتىنىن دا جەتكىزدى. ءۇش ەسەلىك اينالىمنىڭ ەسەبىنەن 25 جىلدىڭ ىشىندە 56 مىڭ كوپبالالى وتباسىلارعا قارىز بەرىلەدى. سونىمەن قاتار, استانا, الماتى جانە شىمكەنت قالالارىنداعى جۇمىس ىستەيتىن جاستارعا ارنالىپ سالىناتىن كەم دەگەندە 1000 پاتەرگە 2019 جىلى 7,2 ملرد تەڭگە قاراستىرىلعان.
اسقار مامين ءوز كەزەگىندە جەكەمەنشىك تۇرعىن ءۇي قۇرىلىسى بارىسىندا ورتاق ساۋلەتتىك تۇرپاتىن ساقتاۋ قاجەتتىگىن ەسكەرتتى. بۇگىنگە دەيىن بۇل تاپسىرمانى ءۇش وبلىس: اقتوبە, سولتۇستىك قازاقستان جانە قوستاناي وبلىستارى عانا ورىنداعان. سونداي-اق ۇكىمەت باسشىسى قۇرىلىستا جەرگىلىكتى مازمۇندى 90 پايىزعا دەيىن جەتكىزۋ مىندەتىنە ەرەكشە نازار اۋداردى. ونىڭ پايىمداۋىنشا, بۇل ونەركاسىپتى دامىتىپ, جاڭا جۇمىس ورىندارىن اشۋعا مۇمكىندىك بەرەدى.

تاعىدا

تولەن تىلەۋباي

«استانا اقشامى» گازەتىنىڭ شەف-رەداكتورى

ۇقساس جاڭالىقتار

پىكىر ۇستەۋ

Back to top button