استانا قالاسىنىڭ اكىمى جەڭىس قاسىمبەك پەن «اتامەكەن» ۇكپ تورالقاسىنىڭ توراعاسى رايىمبەك باتالوۆ كاسىپكەرلەرمەن كەزدەستى. وعان سالالىق قاۋىمداستىقتار, قۇقىق قورعاۋ جانە قاداعالاۋ ورگاندارى, «اتامەكەن» كاسىپكەرلەر پالاتاسىنىڭ وكىلدەرى جانە تاعى باسقاسى قاتىستى.
پرەزيدەنت قاسىم-جومارت توقاەۆ VIII سايلانعان پارلامەنتتىڭ ءبىرىنشى سەسسياسىنىڭ اشىلۋىندا شاعىن جانە ورتا بيزنەستى دامىتۋدى باسىمدىق ەتۋدى تاپسىردى. مۇنى ساپالى جۇزەگە اسىرۋدا ەلوردانىڭ ينجەنەرلىك ينفراقۇرىلىمىن دامىتۋ ماڭىزدى. اسىرەسە, الەۋمەتتىك نىساندار (قولجەتىمدى جەڭىلدىكتى تۇرعىن ءۇي, مەكتەپتەر, مەديتسينالىق نىساندار, بالاباقشالار جانە ت.ب.) سالۋ, ينتەرنەتتىڭ قولجەتىمدىلىگى مەن ساپاسى, جەر قاتىناستارى سالاسى, اقىلى تۇراق ورىندارى بويىنشا ءمجا جوباسىنا وزگەرىستەر ەنگىزۋ جانە ت.ب. ماسەلەلەر كوتەرىلدى.
«استانادا 209 مىڭنان استام كاسىپكەرلىك سۋبەكتى جۇمىس ىستەيدى. بيزنەس 460 مىڭ ادامدى جۇمىس ورىندارىمەن قامتاماسىز ەتەدى, بۇل – ەلوردانىڭ ەكونوميكالىق بەلسەندى حالقىنىڭ 71 پايىزى. ءبىز كاسىپكەرلەرگە جۇيەلى قولداۋ كورسەتۋگە مۇمكىندىك بەرەتىن بىرقاتار شارا قابىلدادىق: اەا جانە يندۋستريالىق پارك اۋماعىندا پرەفەرەنتسيالار, ءتۇرلى باعدارلامالار بويىنشا گرانتتار مەن كرەديتتەر بەرىلەدى, «Astana Invest» ينۆەستورلارىنا ارنالعان فرونت-وفيس جۇمىس ىستەيدى, ينجەنەرلىك جەلىلەردى جۇرگىزۋگە, قاجەتتى ينفراقۇرىلىمدى قۇرۋعا كومەك كورسەتىلەدى. بىراق بۇل دا جەتكىلىكسىز. «اتامەكەن» ۇلتتىق پالاتاسىمەن بىرلەسىپ قوسىمشا قولداۋ شارالارىن جاسايمىز, ونىڭ ىشىندە بيۋروكراتيالىق كىدىرىستەر مەن كەدەرگىلەردى جويۋ ءىسىن جالعاستىرامىز» دەدى اكىم جەڭىس قاسىمبەك.
«اتامەكەن» قر ۇكپ تورالقاسىنىڭ توراعاسى رايىمبەك باتالوۆ جوبالاردى ىسكە اسىرۋعا ءبىرىنشى كەزەكتە وتاندىق كاسىپكەرلەر سەنۋى كەرەك ەكەنىن اتاپ ءوتتى. اسىرەسە, ەگەر جوبا بيۋدجەت قاراجاتىنان قارجىلاندىرىلار بولسا.
مىسالى, كاسىپكەرلەر وتاندىق تاۋار وندىرۋشىلەردىڭ «جايلى مەكتەپ» جوباسىنا قاتىسۋ ماسەلەسىن كوتەردى. بيزنەسمەندەردىڭ ايتۋىنشا, جوبا وپەراتورى – «Samruk-Kazyna Construction» اق جەتكىزۋشىلەردى ىرىكتەۋ بويىنشا كونكۋرستاردىڭ اشىقتىعى ارقىلى تاۋارلار مەن قىزمەتتەردى ساتىپ الۋ بويىنشا كونكۋرستارعا قاتىسۋ ءۇشىن تەڭ جاعدايلار مەن مۇمكىندىكتەردى قامتاماسىز ەتۋى ءتيىس. بۇدان باسقا ەلوردالىق وندىرۋشىلەر offtake-قازاقستاندىق وندىرۋشىلەرمەن الدىن الا كەلىسىمشارتتار جاساسۋ ارقىلى ءونىمنىڭ كەپىلدى وتكىزۋ كولەمىن قامتاماسىز ەتۋگە مۇمكىندىك بەرەدى دەپ سانايدى.
قازىرگى ۋاقىتتا «اتامەكەن» قر ۇكپ-دا وتاندىق تاۋار وندىرۋشىلەردىڭ ءتىزىلىمى قالىپتاستىرىلدى, ولار كەيىننەن مەردىگەر ۇيىمدارعا ۇسىنۋ ءۇشىن «Samruk-Kazyna Construction» اق-عا بەرىلدى.
ۇلتتىق پالاتا باسشىسى رايىمبەك باتالوۆ كاسىپكەرلىكتى دامىتۋدىڭ كەشەندى جوسپارى تۋرالى ايتىپ, شاعىن بيزنەس بلوگىنا جانە ورتا بيزنەس پروبلەمالارىنا ەرەكشە نازار اۋداردى.
«مەملەكەت باسشىسى ناقتى يندۋستريالاندىرۋ, ءوندىرىستى وقشاۋلاۋ, ينفراقۇرىلىمدى جاڭعىرتۋمەن اينالىسۋىمىز كەرەك. بيۋدجەتتەن قارجىلاندىرىلاتىن جوبالاردى ءبىرىنشى كەزەكتە وتاندىق كاسىپكەرلەر ىسكە اسىرۋى ءتيىس. ءبىز ءۇشىن بۇل وتە ماڭىزدى جولداۋ جانە ءبىز بۇل جوسپاردى ىسكە اسىراتىنىمىزعا سەنىمدىمىن جانە بۇل كەشەندى ءتيىمدى باعدارلاما بارلىعىمىزعا, سونىڭ ىشىندە شاعىن جانە ورتا بيزنەسكە ءوز پورتفەلىمىزدە بار جوبالاردى ىسكە اسىرۋعا مۇمكىندىك بەرەدى» دەپ اتاپ ءوتتى رايىمبەك باتالوۆ.
كەزدەسۋ بارىسىندا جەرگىلىكتى اتقارۋشى ورگاندارمەن جۇمىس وڭىرلىك كاسىپكەرلەر پالاتالارىنىڭ قۇرىلعان سالالىق كوميتەتتەرىمەن تىعىز ءوزارا ءىس-قيمىل ارقىلى قۇرىلعانى اتاپ ءوتىلدى. مۇنداي كەزدەسۋلەر «اتامەكەن» الاڭىندا تۇراقتى تۇردە وتكىزىلەتىن بولادى.
