«بولاشاقتىڭ» جاڭالىعى كوپ
ساياسات نۇربەك, «حالىقارالىق باعدارلامالار ورتالىعى» اق پرەزيدەنتى
– ساياسات نۇربەكۇلى, قر پرەزيدەنتىنىڭ حالىقارالىق «بولاشاق» باعدارلاماسىنا ۇمىتكەرلەر قابىلداۋدا كوپتەگەن جاڭالىقتار ەنگىزىلگەنىن ەستىپ جاتىرمىز….
– «بولاشاق» باعدارلاماسىنىڭ ەرەجەلەرى زامان تالابىنا ساي وزگەرىپ, جەتىلدىرىلىپ وتىرادى. بۇعان دەيىن «بولاشاق» باعدارلاماسىنا استانا مەن الماتىدان تىس وڭىرلەر مەن شالعاي اۋىلدارداعى ازاماتتاردىڭ قامتىلۋى ءجيى سىنعا الىناتىن ەدى. وسىعان بايلانىستى ءبىز بيىل وڭىرلەردە قۇجات قابىلداۋدى باستادىق. ءبىزدىڭ ورتالىقتان قۇرىلعان جۇمىس توبى ەكى جارىم اي بويى رەسپۋبليكامىزدىڭ تۇكپىر-تۇكپىرىن ارالاپ, ءوڭىر ازاماتتارىنان قۇجات قابىلدادى. ءارى باعدارلامانىڭ بۇگە-شىگەسىنە دەيىن ءتۇسىندىرىپ, ناسيحاتتايتىن كەزدەسۋلەر, جيىندار وتكىزدى. «بولاشاقتاعى» تىڭ وزگەرىستەر دە كەڭىنەن تانىستىرىلدى.
– بيىل العاش رەت ينجەنەر-لىك جانە مەديتسينالىق ماماندىق يەلەرىنە شەتەلدە تاعىلىمدامادان وتۋگە مۇمكىندىك بەرىلىپ وتىر ەكەن. ءدال وسى ماماندىقتاردىڭ تاڭدالۋىنا نە سەبەپ؟
– بۇگىنگى تاڭدا وسى ماماندىقتارعا سۇرانىس كوپ. ارتىقشىلىق بەرۋىمىزدىڭ باستى سەبەبى دە – وسى. سونىمەن قوسا, بۇرىن تەك قانا مەملەكەتتىك وقۋ ورىندارىنىڭ وقىتۋشىلارى عانا تاعىلىمدامادان ءوتىپ كەلسە, وسى جىلدان باستاپ جەكەمەنشىك وقۋ ورىندارىنىڭ قىزمەتكەرلەرى دە وعان قاتىسا الادى. بۇل يگى جاڭالىق وتكەن جىلى «ءبىلىم تۋرالى» زاڭعا ەنگىزىلگەن وزگەرىستەرگە سايكەس بولىپ وتىر. ءبىلىم جانە عىلىم مينيسترلىگى كەز كەلگەن جوعارى وقۋ ورنى مەن كوللەدجدىڭ, مەكتەپ پەن بالاباقشا كادرلارىنا شەتەلدە بىلىكتىلىگىن ارتتىرۋعا مۇمكىندىك بەردى.
– سوندا عىلىمي قىزمەتكەر-لەرگە بيىل قانشا ستيپەنديا تاعايىندالعان؟
– عىلىمي قىزمەتكەرلەرگە بەس جۇزگە جۋىق ستيپەنديا تاعايىنداپ وتىرمىز. مينيسترلىكتىڭ قابىلداعان شەشىمىمەن, جىلىنا كەم دەگەندە 400-500 ماماندى شەتەلدە دايارلاۋدى ماقسات ەتتىك. پەداگوگتار ارنايى عىلىمي قىزمەتكەرلەرگە ارنالعان ماگيستراتۋرا باعدارلامالارىنا قاتىسۋمەن قاتار, 18 ايعا دەيىن ءتىل كۋرستارىن وقىپ,12 ايلىق عىلىمي تاعىلىمدامادان وتە الادى.
قىمبات نۇرعالي