بۇل كۇنى سپورتپەن ءار ادام شۇعىلدانا الادى
بۇگىن جانە ەرتەڭ ەلىمىزدە سپورتسۇيەر بۇقارا قازاقستان رەسپۋبليكاسىنداعى وليمپيادا كۇنىن اتاپ وتەدى. ءبىز وسى ايتۋلى سپورتتىق مەرەكە قارساڭىندا ۇلتتىق وليمپيادالىق كوميتەتى استانا قالالىق بولىمشەسىنىڭ توراعاسى, استاناداعى «داۋلەت» سپورت كومبيناتى» مكقك كەشەنىنىڭ ديرەكتورى قۋاندىق ەلجانوۆتى اڭگىمەگە تارتتىق.
– ءداستۇرلى وليمپيادا كۇنىن اتاپ وتۋگە بيىل الدىن الا قولعا الىنعان دايىندىق شارالارىن اتاپ وتسەڭىز…
– مىسالى, بيىل سالتاناتتى اشىلۋ ءراسىمى «استانا-ءبايتەرەك» مونۋمەنتىنىڭ الدىندا وتەتىن ەلوردامىزدىڭ وليمپيادالىق ستارتىنا 5 مىڭداي ادامنىڭ قاتىسۋى جوسپارلانعان. ارنايى باعدارلاماعا ءارتۇرلى قاشىقتىقتاعى جۇگى-رىستەر, اسفالت ءۇستىندەگى بالالار سۋرەتتەرىنىڭ بايقاۋى, قىسقى وليمپيادالىق ويىنداردان ۆيكتورينا جانە باسقا دا جارىستار ەندى. سوندىقتان وسى ەكى كۇندى مەرەكەلەۋگە جۇگىرىس پەن وزگە سپورتتىق سايىستاردا ءوز كۇشىن بايقاعىسى كەلگەن ءار جاستاعى ەرىكتى ادامنىڭ بارلىعى دا قاتىسا الادى. ول ءۇشىن استانا قالاسىندا ءارتۇرلى جاس توپتارىنا ارنالعان جەكە جۇگىرىستەر, مازمۇندى سپورتتىق باعدارلامالار ۇيىمداستىرىلدى.
– ال, جارىس جەڭىمپازدارى قانداي جۇلدەلەرمەن ماراپاتتالادى؟
– ولارعا ۇلتتىق وليمپيادالىق كوميتەتىنىڭ ەستەلىك سىيلىقتارى, جارىس دەمەۋشىلەرىنىڭ ءجۇلدەلەرى جانە الەمدىك وليمپيادا كۇنىنىڭ سيمۆوليكاسى بار مايكالار تابىستالادى. سونداي-اق, ارقايسىسى حالىقارالىق وليمپيادا كۇنىنىڭ پرەزيدەنتى جاكە روگگەنىڭ قولتاڭباسى جازىلعان وليمپيادا كۇنىنە قاتىسۋشىنىڭ سەرتيفيكاتىن الادى. تاعى ءبىر ماقتانا الاتىن ەرەكشەلىگىمىز – قازاقستانداعى وليمپيادا كۇنى قالىپتاسقان ءداستۇر بويىنشا باسقا ەلدەردەن ەرتە, ياعني 19 مامىر كۇنى وتكىزىلەتىندىگى.
– بۇل جولعى سىزدەرمەن سەرىكتەستەر قاتارىندا قاي مەكەمەلەر بار؟
– ءبىزدىڭ سەرىكتەستەر – 2003 جىلى قۇرىلعان كورەيلىك «Allur Auto» مەن «Ssang Yong» كومپانيالارى, TASSAY ساۋدا ماركاسى جانە «اليانسستروينۆەست» جشس. نەگىزىندە, ءوزىمىزدىڭ «سامۇرىق قازىنا» ۇاق» اق باس سەرىكتەس بولىپ وتىر.
ە.بولاتۇلى