قالالىق ءماسليحاتتىڭ كەزەكتەن تىس ەلۋ ءۇشىنشى سەسسياسىنا استانا اكىمىنىڭ ورىنباسارى اندرەي لۋكين, ەلوردالىق اۋداندار اكىمدەرى, كاسىپورىن باسشىلارى جانە بۇقارالىق اقپارات قۇرالدارىنىڭ وكىلدەرى قاتىستى.
كۇن تارتىبىندەگى العاشقى ماسەلە بويىنشا ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى گۇلنار ءجۇسىپوۆا بايانداما جاساپ, استانا قالاسى ءماسليحاتىنىڭ 2014 جىلعى 11 جەلتوقسانداعى «استانا قالاسىنىڭ 2015-2017 جىلدارعا ارنالعان بيۋدجەتى تۋرالى» شەشىمىنە وزگەرىستەر مەن تولىقتىرۋلار ەنگىزۋدى ۇسىندى.
گ.ءجۇسىپوۆانىڭ ايتۋىنشا, 2015 جىلدىڭ قاڭتار-مامىر ايلارى ارالىعىندا قالا بيۋدجەتى 103,2 پايىزعا ورىندالىپ, ەسەپتى كەزەڭدە قالا بيۋدجەتىنە 72 629 128 مىڭ تەڭگە تۇسكەن. ياعني, وتكەن جىلدىڭ سايكەس مەرزىمىمەن سالىستىرعاندا ءتۇسىم
13 807 960 مىڭ تەڭگەگە ۇلعايعان. ونىڭ ىشىندە سالىقتىق تۇسىمدەر بويىنشا ناقتى ءتۇسىم 67 339 288
مىڭ تەڭگەنى قۇرادى, بۇل وتكەن جىلدىڭ ءتيىستى كەزەڭىمەن سالىستىرعاندا 14 160 111 مىڭ تەڭگەگە كوپ.
سونىمەن بىرگە, الماتى اۋدانىنىڭ شىعىستارىنا 323 203 مىڭ تەڭگە قاراستىرىلدى, ونىڭ باسىم بولىگى اۋدان اۋماعىن اباتتاندىرۋ مەن ەلدى مەكەندەردى كوگالداندىرۋعا باعىتتالدى. سارىارقا اۋدانىنا 182 982 مىڭ تەڭگە جانە ەسىل اۋدانىنا 422 084 مىڭ تەڭگە قاراستىرۋ كوزدەلگەن. وسى جونىندە ايتا كەلە, بايانداماشى بۇل قاراجات تا قالانىڭ سانيتارلىق جاعدايىن جاقسارتۋعا, اۋلالاردى اباتتاندىرۋ مەن مەكتەپكە دەيىنگى ءبىلىم بەرۋدىڭ مەملەكەتتىك تاپسىرىستارىن جۇزەگە اسىرۋعا جىبەرىلەتىنىن جەتكىزدى. قالالىق ءماسليحاتتىڭ دەپۋتاتتارى استانا قالاسىنىڭ 2015 جىلعى بيۋدجەتىنە ەنگىزىلگەن وزگەرىستەردى ءبىراۋىزدان بەكىتتى.
سەسسيا بارىسىندا مەملەكەت مۇقتاجى ءۇشىن جەر ۋچاسكەلەرىن الۋعا بايلانىستى جەر ۋچاسكەلەرىن نەمەسە جىلجىمايتىن وزگە مۇلىكتەردى ساتىپ الۋ تۋرالى شارتتاردىڭ جوبالارى كەلىسىلدى. ودان ءارى قالاداعى جەر ۋچاسكەلەرىن بەرۋ جونىندەگى جانە ەۆاكۋاتسيالىق كوميسسيالاردىڭ قۇرامى بەكىتىلىپ, استانا اكىمدىگىنىڭ جانىنداعى كامەلەتكە تولماعاندار ءىسى جانە ولاردىڭ قۇقىقتارىن قورعاۋ جونىندەگى كوميسسيانىڭ قۇرامىنا وزگەرىستەر ەنگىزىلدى.
گۇلبارشىن وكەشقىزى
