جاڭالىقتار

Cىبايلاس جەمقورلىق تۋرالى سەمينار ءوتتى

وقىتۋ سەمينارىندا قۇقىق قورعاۋ ورگاندارىنىڭ قىزمەتكەرلەرىن مەملەكەتتىك قىزمەت سالاسىنداعى سىبايلاس جەمقورلىق قۇقىق بۇزۋشىلىق فاكتىلەرىنىڭ الدىن الۋ بويىنشا نەگىزگى باعىتتار تۋرالى حاباردار ەتتى.

سىبايلاس جەمقورلىقپەن كۇرەس اگەنتتىگىنىڭ قوعامدىق كەڭەسى جەتەكشىسى مارات ءباشىموۆ, «ادىلدىك جولى» رەسپۋبليكالىق قوعامدىق بىرلەستىگى فيليالىنىڭ باسشىسى دارحان قۇلجامبەكوۆ, Amanat پارتياسى «بىرلىك» فيليالىنىڭ ءبىرىنشى ورىنباسارى شىڭعىس قوجاحمەتوۆ, «دامۋ قازاقستان قاۋىمداستىعى» قوعامدىق ۇيىمىنىڭ اتقارۋشى ديرەكتورى انار بىتەباەۆا جانە ەلوردالىق كاسىپوداق وكىلدەرى كولىك پوليتسەيلەرىمەن سىبايلاس جەمقورلىققا قارسى زاڭناماداعى جاڭالىقتاردى تالقىلادى.

بايانداماشىلار قاتىسۋشىلارعا سىبايلاس جەمقورلىققا قارسى زاڭنامانىڭ نەگىزگى ەرەجەلەرى, سىبايلاس جەمقورلىق تاۋەكەلدەرىنە تالداۋ جۇرگىزۋدىڭ ماڭىزدىلىعى جانە قول استىنداعىلاردىڭ سىبايلاس جەمقورلىق قۇقىق بۇزۋشىلىقتاردى جاساعانى ءۇشىن باسشىلاردىڭ جاۋاپكەرشىلىگىن كۇشەيتۋ قاجەتتىلىگى تۋرالى ايتىپ بەردى. ۇيىمداستىرۋشىلاردىڭ ايتۋىنشا, اقپاراتتىق-ءتۇسىندىرۋ جۇمىستارى مەملەكەتتىك قىزمەتكەرلەر اراسىندا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان. وقىتۋ سەمينارى پرەزيدەنت قاسىم-جومارت توقاەۆتىڭ جولداۋىن قوعامدىق تالقىلاۋ اياسىندا ءوتتى.

كەزدەسۋ بارىسىندا «قازاقستاندىق دامۋ قاۋىمداستىعى» قوعامدىق ۇيىمىنىڭ اتقارۋشى ديرەكتورى انار بىتەباەۆا سىبايلاس جەمقورلىق قۇقىق بۇزۋشىلىقتاردىڭ الدىن الۋدا ازاماتتىق قوعامنىڭ ءرولى ءوسىپ كەلە جاتقانىن اتاپ ءوتتى. ونىڭ ايتۋىنشا, اقپارات جانە قوعامدىق دامۋ مينيسترلىگىنىڭ قولداۋىمەن ازاماتتىق باستامالاردى قولداۋ ورتالىعىنىڭ «سىبايلاس جەمقورلىققا قارسى مادەنيەتتى قالىپتاستىرۋدا ۇەۇ, ساراپتامالىق قوعامداستىقتىڭ قاتىسۋىن كەڭەيتۋ» جوباسى اياسىندا الەۋمەتتىك زەرتتەۋ جۇرگىزىلدى.

قوعامدىق مونيتورينگ ناتيجەلەرى, سۇحباتتار مەن ساراپتامالىق ساۋالنامالار ماماندارعا ەلدەگى ەڭ جەمقور ايماقتار مەن قىزمەت سالالارىن انىقتاۋعا كومەكتەستى. وسىنداي ءىس-شارالار الماتىدا, الماتى, وڭتۇستىك قازاقستان جانە باتىس قازاقستان وبلىستارىندا دا وتكىزىلدى, وندا سىبايلاس جەمقورلىق قىلمىستار وتە كوپ تىركەلگەن.

بەلگىلى بولعانداي, انتيرەيتينگتەگى قىزمەت سالالارى اراسىندا ىشكى ىستەر ورگاندارى, مەملەكەتتىك قۇرىلىمدار جانە اۋىل شارۋاشىلىعى كوش باستاپ تۇر. مىسالى, باس پروكۋراتۋرانىڭ رەسمي دەرەكتەرىنە سايكەس, 2021 جىلى ىشكى ىستەر ورگاندارىنداعى سىبايلاس جەمقورلىق قۇقىق بۇزۋشىلىقتار 2020 جىلمەن سالىستىرعاندا 3%-عا ارتقان.

قازىر كۆازيمەملەكەتتىك سەكتوردا زاڭنامالىق دەڭگەيدە كومپلاەنس-قىزمەتتەردى ەنگىزۋ قابىلداندى. كومپلاەنس-وفيتسەردىڭ مىندەتىنە زاڭ بۇزۋشىلىقتاردى بولدىرماۋ جانە انىقتاۋ, ۇيىم قىزمەتكەرلەرى تاراپىنان سىبايلاس جەمقورلىق پەن جىمقىرۋ جاعدايلارىن انىقتاۋ كىرەدى. ول سىبايلاس جەمقورلىققا قارسى ستراتەگيانى ازىرلەيدى, كادرلىق قۇجاتتامانى زەردەلەيدى, پارا الۋشىلارعا قاتىستى قابىلدانعان شارالار كورسەتىلۋى ءتيىس زاڭدى شارتتارعا وزگەرىستەر ەنگىزەدى. مۇنداي جاڭاشىلدىقتاردى ەنگىزىپ, مەنەدجمەنت جۇيەسىندە وڭ حالىقارالىق تاجىريبەنى قابىلداعان ءجون. جالپى مەملەكەتتىك قىزمەت ساپاسىن جاقسارتۋ ازاماتتاردى بيۋروكراتيالىق قاعازباستىلىقتان ارىلتادى, – دەپ ءتۇسىندىردى انار بىتەباەۆا.

سودان كەيىن كولىكتەگى ىشكى ىستەر دەپارتامەنتىنىڭ جەكە قۇرامىنا جانە نۇر-سۇلتان ستانتسياسىنداعى پوليتسيانىڭ جەلىلىك باسقارماسىنا سىبايلاس جەمقورلىققا قارسى بەينەروليكتەر مەن سلايدتار كورسەتىلدى. سونىمەن قاتار, ءتارتىپ ساقشىلارىنا 1424 سall-ورتالىعىنىڭ ءنومىرى بار اقپاراتتىق بۋكلەتتەر تاراتىلدى, وندا زاڭسىز ءىس-ارەكەتتەر مەن سىبايلاس جەمقورلىق فاكتىلەرى تۋرالى قالاي كەرى بايلانىس الۋعا جانە حابارلاۋعا بولاتىنى تۋرالى مالىمەتتەر بار.

سىبايلاس جەمقورلىققا قارسى كۇرەستى كۇشەيتۋ – مەملەكەتتىڭ باستى باسىمدىقتارىنىڭ ءبىرى. مەملەكەتتىك قىزمەتشىنىڭ كاسىبي ەتيكاسىنىڭ نەگىزگى قاعيداتتارى ءبىز سىبايلاس جەمقورلىق تاۋەكەلدەرىنە قارسى تۇرا ءبىلۋىمىز كەرەك دەگەندى بىلدىرەدى. بۇل ءىس-شارا وتە پايدالى دەپ سانايمىن. بىزگە تابىستى قىزمەت اتقارۋ ءۇشىن قاجەتتى بىلىكتىلىك تالاپتارى مەن مىندەتتەرى تۋرالى ەسكە سالدى, – دەدى پد نۇر-سۇلتان ستانتسياسىنداعى جەلىلىك پوليتسيا باسقارماسىنىڭ كادر ساياساتى توبىنىڭ ينسپەكتور-پسيحولوگى ەسەنعالي ەگىزباەۆ.

 

 

تاعىدا

ۇقساس جاڭالىقتار

پىكىر ۇستەۋ

Back to top button