استانا قالاسىنىڭ اكىمدىگى, وتاندىق فارماتسەۆتيكا وندىرۋشىلەرى مەن قر دەنساۋلىق ساقتاۋ جانە الەۋمەتتىك دامۋ مينيسترلىگى اراسىندا ءدارى-دارمەكتەر باعاسىنىڭ وسۋىنە جول بەرمەۋگە باعىتتالعان مەموراندۋمعا قول قويىلدى.
تاراپتاردىڭ وكىلدەرى وسى مەموراندۋمعا قول قويۋ – حالىق اراسىندا الەۋمەتتىك تۇراقتىلىقتى قامتاماسىز ەتۋدەگى ماڭىزدى قادام ەكەندىگىن, سونداي-اق, بۇل قۇجات دارىلىك پرەپاراتتاردى رەتسەپسىز وتكىزۋ ماسەلەسىن شەشۋگە دە ىقپال ەتەتىندىگىن اتاپ كورسەتتى.
مەملەكەت جىل سايىن ءدارى-دارمەكتەر مەن مەديتسينالىق قۇرال-جابدىقتاردى ساتىپ الۋعا بيۋدجەتتەن 139 ملرد تەڭگەگە جۋىق قارجى بولەدى ەكەن. ونىڭ ىشىندە, حالىقتى امبۋلاتوريالىق دارىلەرمەن قامتاماسىز ەتۋگە 75 ملرد تەڭگە جۇمسالاتىنى تاعى بار. دارىگەرلەر كەڭەسىمەن تەگىن بەرىلەتىن دارىلەر قاتارىنا اۋرۋدىڭ 48 ءتۇرى بويىنشا 400 ءدارى اتاۋى ەنگىزىلىپتى.
«بيزنەس ءوزىنىڭ الەۋمەتتىك جاۋاپكەرشىلىگىن جانە الەۋمەتتىك جاعدايى وسال توپتاردى قولداۋ ماڭىزدىلىعىن تۇسىنەدى. ءبىز ءجيى قولدانىلاتىن پرەپاراتتاردىڭ باعاسىن جىل بويى تۇراقتى ۇستاۋ تۋرالى مەموراندۋم جاساۋ جونىندەگى باستامانى قولدايمىز. بۇل جەردە وتاندىق وندىرۋشىلەر, ديستريبيۋتورلىق سەكتور مەن ءدارىحانالار بىرىگەدى» دەدى حالىقارالىق فارماتسەۆتيكالىق وندىرۋشىلەر قاۋىمداستىعىنىڭ پرەزيدەنتى ۆياچەسلاۆ لوكشين.
باسقوسۋ قورىتىندىسىندا تاراپتار ەلوردادا دەنساۋلىق ساقتاۋ جۇيەسىن دامىتۋ سالاسىندا ىنتىماقتاستىقتى ودان ءارى جالعاستىرۋعا نيەت ءبىلدىردى.
تاڭاتار تولەۋعاليەۆ
