8 ناۋرىز حالىقارالىق ايەلدەر كۇنى

دارىگەر – كاسىپكەر

ەلوردالىق ۇلبولسىن سۋنتاەۆا 10 جىلدان اسا ۋاقىت مەديتسينا سالاسىندا كاسىبىن دوڭگەلەتىپ كەلەدى.

[smartslider3 slider=2332]

كاسىپكەرلىككە دەيىن ول ەلورداداعى كلينيكادا دارىگەر-­فيزيوتەراپەۆت بولىپ جۇمىس ىستەگەن. جيناعان تاجىريبەسىنە ساي پاتسيەنتتەردى ەمدەۋ تاكتيكاسىن ساۋاتتى قۇرۋدى جاقسى بىلەتىن. حالىقارالىق ايەلدەر كۇنى قارساڭىندا كاسىپكەر ءوزىنىڭ بيزنەسكە قالاي كەلگەنى, ونىڭ باستالۋى جانە قازىر قانداي جەتىستىكتەرگە جەتكەنى جايلى ايتىپ بەردى.

ۇلبولسىن سۋنتاەۆا ۇلتتىق عىلىمي-مەديتسينالىق ورتالىقتا فيزيوتەراپەۆت بولىپ جۇمىس ىستەدى, لازەرلىك تەراپيا مەن وڭالتۋ سالاسىندا جيناعان تاجىريبەسى مول.

«مەن كاسىپكەرمىن, مەديتسينالىق قىزمەتپەن اينالىسامىن. مەديتسينا – بۇل مەنىڭ ءومىرىم. بالا كۇنىمنەن دارىگەر بولىپ, ناۋقاستاردى ەمدەۋدى ارماندايتىنمىن. ۇزاق ۋاقىت بويى ۇلتتىق عىلىمي-مەديتسينالىق ورتالىقتا فيزيوتەراپەۆت بولىپ قىزمەت ەتتىم. وسى كلينيكادا جيناعان تاجىريبەمنىڭ جانە ونىڭ كەرەمەت باسشىسى اباي بايگەنجيننىڭ قولداۋىمەن لازەرلىك تەراپيا مەن وڭالتۋدىڭ قىر-سىرىن مەڭگەردىم. 2018 جىلى لازەرلىك تەراپيامەن اينالىسىپ ءجۇرىپ, وڭالتۋ ورتالىعىن اشۋ تۋرالى شەشىمگە كەلدىم. سەبەبى جوعارعى تىنىس جولدارىنىڭ اۋرۋلارى بار ناۋقاستارعا لور كابينەتى قاجەت دەگەن يدەيام بولاتىن. ءدال وسى ۋاقىتتا كوروناۆيرۋستىق ينفەكتسيا ءورشىپ كەتتى» دەپ ءوز اڭگىمەسىن ۇلبولسىن سەيىتقىزى باستادى.

لور-جابدىقتى ساتىپ الۋ ءۇشىن ول «بيزنەستىڭ جول كارتاسى» مەملەكەتتىك باعدارلاماسىنا قاتىسۋ جونىندە توقتامعا كەلەدى. سەبەبى باعدارلاما بارىسىندا شاعىن كاسىپكەرلىك سۋبەكتىلەرىن قولداۋ ءۇشىن وتەۋسىز گرانتتار بولىنەدى.

«بيزنەس-يدەيامنىڭ ماقساتى مەديتسينالىق ورتالىقتى, كورسەتىلەتىن مەديتسينالىق قىزمەتتەر اياسىن كەڭەيتۋ جانە تيىسىنشە جۇمىس ورىندارىنىڭ سانىن ارتتىرۋ بولدى. «بيزنەستىڭ جول كارتاسى» باعدارلاماسى بويىنشا 5 ملن تەڭگە كولەمىندە وتەۋسىز گرانت جەڭىپ الدىم. بۇل قاراجاتقا وڭتۇستىك كورەيادان شىعاتىن لور-كومباين ساتىپ الدىم. قازىرگى جەتىستىكتەرىمنىڭ ناتيجەسى: مەديتسينالىق ورتالىق اياسى كەڭەيدى, جاڭا مەديتسينالىق دەنساۋلىق كلينيكاسىن اشتىم. تيىسىنشە, كورسەتىلەتىن مەديتسينالىق قىزمەتتەردىڭ تىزبەسى كوبەيدى, بۇل تىزىمگە لور-راسىمدەر, وڭالتۋ قوسىلدى. قوسىمشا جۇمىس ورىندارى اشىلدى» دەدى كاسىپكەر.

ونىڭ ايتۋىنشا, مەملەكەتتىك باعدارلاما اياسىندا قايتارىمسىز گرانتتار مەن كاسىپكەرلىكتى قولداۋدىڭ باسقا دا قۇرالدارى كاسىپكەرلەرگە ءوز ءىسىن دامىتۋعا, قوعامعا ارقاشان تالاپ ەتىلەتىن جانە ماقساتتارى مەن ارماندارىن ىسكە اسىرۋعا ۇلكەن كومەك پەن ىنتالاندىرۋ.

 

تاعىدا

پىكىر ۇستەۋ

Back to top button