ەكسپو-2017 حالىقارالىق مامانداندىرىلعان كورمەسىنىڭ جاڭا لوگوتيپىنە داۋىس بەرۋ اياقتالدى.
قازاقستاندىقتاردىڭ تاڭداۋىنا جەتى ءتۇرلى لوگوتيپ ۇسىنىلعان. داۋىس بەرۋگە 10 مىڭنان استام ادام قاتىستى. Facebook, VK, Twitter الەۋمەتتىك جەلىلەرىندە پايدالانۋشىلار ارنايى داۋىس بەرۋ پاراقشالارىن اشقان. لوگوتيپتىڭ جاڭا نۇسقالارى اقپارات اگەنتتىكتەرى مەن جاڭالىقتار پورتالدارىندا قىزۋ تالقىلاندى. داۋىس بەرۋ قورىتىندىسى بويىنشا, ەكى لوگوتيپ ىرىكتەلدى. ولار 2013 جىلى 26 ءشىلدەدە مەملەكەتتىك كوميسسيانىڭ وتىرىسىندا قارالادى. ۇزدىك دەپ تانىلعان «جاسىل ەنەرگيا» لوگوتيپى 3088 داۋىس جينادى, ال ەكىنشى ورىنداعى – «جەل ەنەرگياسى» لوگوتيپىنە 2594 ادام ءوز داۋىسىن بەرگەن. كەلەشەكتە «جاسىل ەنەرگيا» لوگوتيپى استانانى بارشا الەمگە تانىمال ەتپەك.
ەركەجان ساتىمبەك
