قر ءبىلىم جانە عىلىم مينيسترلىگى 2016-2017 وقۋ جىلىنا ارنالعان دەمالىس كەستەسىن بەكىتتى. وقۋ جىلى ادەتتەگىدەي 1 قىركۇيەك باستالادى. دەگەنمەن, جاڭا كەستەدە دەمالىس كۇندەرىندە وزگەرىستەر بار.
ءبىرىنشى قىركۇيەكتە بارلىق مەكتەپتەردە قازاقستان تاۋەلسىزدىگىنە جانە قر كونستيتۋتسياسى كۇنىنە ارنالعان سالتاناتتى جيىن بولادى. سونداي-اق, وقۋ جىلىنىڭ العاشقى كۇنى بارلىق مەكتەپتە پاتريوتتىق «ماڭگىلىك ەل» اكتىسىنىڭ اياسىندا «مەن ءوز ەلىمنىڭ پاتريوتىمىن!» ساباعى وتكىزىلەدى. مەكتەپكە دەيىنگى مەكەمەلەردەگى وقۋ جىلى بيىل 32 اپتادان تۇرادى. ال ءبىرىنشى سىنىپ وقۋشىلارى 33 اپتا, 2-11 (12) cىنىپ وقۋشىلارى 34 اپتا وقيدى.
ال ەندى 1-11 (12) سىنىپ وقۋشىلارىنىڭ دەمالىس كەستەسى بىلايشا قۇرىلادى. بيىلعى كۇزگى دەمالىس – 7 كۇن, ول 31 قازان مەن 7 قاراشاعا دەيىنگى ارالىقتى قامتيدى. قىسقى دەمالىس 10 كۇن بولىپ بەلگىلەنگەن. ول 2016 جىلدىڭ 30 جەلتوقسانىنان باستاپ 2017 جىلدىڭ 8 قاڭتارىنا دەيىن سوزىلادى. كوكتەمگى دەمالىس – 13 كۇن, ياعني, 21 ناۋرىزدان 2017 جىلدىڭ 2 ساۋىرىنە دەيىن جالعاسادى.
مەكتەپكە دەيىنگە مەكەمەلەردە بۇل دەمالىس مەرزىمدەرى سايكەسىنشە بىلايشا ەسەپتەلگەن. بيىلعى كۇزگى دەمالىس – 7 كۇن (31 قازاننان 2016 جىلدىڭ 6 قاراشاسىن قوسا ەسەپتەگەندە), قىسقى دەمالىس – 14 كۇن (2016 جىلدىڭ 26 جەلتوقسانىنان 2017 جىلدىڭ 8 قاڭتارىنا دەيىن), كوكتەمگى دەمالىس – 15 كۇن (2017 جىلدىڭ 21 ناۋرىزىنان 4 ءساۋىردى قوسا ەسەپتەگەندە) بولادى.
ايتا كەتەيىك, بيىل مەكتەپالدى جانە ءبىرىنشى سىنىپتارعا تاعى قوسىمشا جەتى كۇندىك دەمالىس بەرىلەدى. ونىڭ مەرزىمى 2017 جىلدىڭ 1 اقپانىنان 7 اقپانعا دەيىن سوزىلادى.
مەڭدوللا نۇرىمۇلى
