ەلوردا اكىمدىگىنىڭ قولداۋىمەن استانا قالاسىنىڭ تۋبەركۋلەزگە قارسى قىزمەتىن دامىتۋ تۇجىرىمداماسىن جۇزەگە اسىرۋ اياسىندا وسى دەرتكە قاتىستى ەپيدەميولوگيالىق جاعداي ايتارلىقتاي جاقساردى دەپ حابارلايدى قالا اكىمىنىڭ ءباسپاسوز قىزمەتى.
اۋرۋ دەڭگەيى بالالار اراسىندا 54,6%-عا, ال جاسوسپىرىمدەر اراسىندا 51,9%-عا تومەندەپ, ولاردىڭ وسى دەرتتەن كوز جۇمۋ دەرەكتەرى تىركەلگەن جوق.
تۋبەركۋلەزدىڭ الدىن الۋ ءۇشىن بالالارعا «مانتۋ» سىناماسىن قويۋ ارقىلى ۇدايى تەكسەرۋ جۇرگىزىلەدى. سىناما قورىتىندىسى وڭ بولعان رەتتە بالالار فتيزياترعا كەڭەس الۋ ءۇشىن جىبەرىلەدى. وڭ سىنامانىڭ سيپاتىن انىقتاۋ ءۇشىن فتيزياتر بالانى تەكسەرۋدەن وتكىزىپ, قاجەت جاعدايدا پروفيلاكتيكالىق ەمدەۋ شارالارىن قولدانادى.
2014 جىلدىڭ قاراشاسىنان باستاپ استانا قالاسىنىڭ تۋبەركۋلەزگە قارسى ديسپانسەرىندە «مانتۋ» سىناماسىنىڭ ءناتيجەسى وڭ بولىپ, قاجەتتى ەمدەۋ شارالارىن وتكىزۋ قاجەتتەلىگى تۋىنداعان جاعدايدا جاڭا «دياسكينتەست» ءادىسىن قولدانۋ تاجىريبەگە ەنگىزىلدى.
وسى تەست ەنگىزىلگەن كەزدەن باستاپ 6317 بالا تەكسەرۋدەن ءوتىپ, ولاردىڭ 5423 (86%) «مانتۋ» سىناماسى تەرىس بولىپ شىقتى. ال, 724 بالادا (11,5%) سىناما وڭ ناتيجە كورسەتتى.
مۇنداي شارالاردىڭ بارلىعى بالالار مەن جاسوسپىرىمدەر اراسىندا وسى دەرتپەن اۋرۋ دەڭگەيىن ايتارلىقتاي تومەندەتۋگە ۇلكەن سەپتىگىن تيگىزەدى.
