دەنساۋلىق

دەرتتەن ساقتانۋ – ءوز قولىڭدا

جىل سايىن مامىر ايىنىڭ ءۇشىنشى جەكسەنبىسىندە  بۇكىلالەمدىك جيتس (سپيد) قۇرباندارىن ەسكە الۋ كۇنى اتالىپ وتەدى. وسى كۇنى يممۋن تاپشىلىعى ۆيرۋسىن جۇقتىرعانداردى الەۋمەتتىك قورعاۋ, اۋرۋدى ەمدەۋ جانە الدىن الۋ شارالارى كەڭىنەن جۇرگىزىلەدى.

استانا قالاسىنىڭ جيتس ورتالىعى ماماندارى مەنەدجمەنت جانە بيزنەس كوللەدجندە جيتس ورتالىعى ماماندارى, «تىلەكتەستىك بەلگىسى» تاقىرىبى اياسىندا ارنايى اكتسيا وتكىزدى.

جيتس-تىڭ  الدىن الۋ جانە وعان قارسى كۇرەس ورتالىعىنىڭ  ەپيدەميولوگ-دارىگەرى دانا بەكسۇلتانوۆا ادامنىڭ يممۋن تاپشىلىعىنىڭ ۆيرۋسى (ايتۆ) بۇگىنگى كۇنى تەك قانا مەديتسينا قىزمەتكەرلەرىن عانا ەمەس,  بۇكىل قوعامدى الاڭداتىپ وتىرعان ماسەلە ەكەنىن اتاپ ءوتتى. ونىڭ ايتۋىنشا,  قالادا  بىلتىرعى جىلدىڭ ءتورت ايىندا اتالمىش ىندەتتىڭ ينفەكتسياسىنا 10 ادام شالدىقسا, بيىل 17 ادام وسى دەرتتىڭ تۇزاعىنا تۇسكەن. بۇگىنگى كۇنگە دەيىن استانادا بارلىعى  903 ادامدا ايتۆ انىقتالىپ وتىر.  سونىڭ 41 پايىزى – 15-49 جاس ارالىعىنداعىلار بولسا, 35 پايىزى – 20-39 جاستاعىلار. بۇدان كەيىن جاستار كوكەيىندە جۇرگەن سۇراقتاردى قويىپ, مامانداردان تولىققاندى جاۋاپ الدى. شارا بارىسىندا بارلىق قاتىسۋشىلار اراسىندا ءتۇرلى ويىندار  ويناتىلىپ, جەڭىمپازدارعا باعالى سىيلىقتار ۇيلەستىرىلدى. سونداي-اق اتالمىش مەكەمەلەردە جاستارعا اۋرۋدان ساقتانۋ جولدارى تۋرالى قىسقاشا جازىلعان اقپاراتتتىق پاراقشالار تاراتىلدى. ماماندار كەز كەلگەن قازاقستان ازاماتى ورتالىققا كەلىپ, ۆيچ-ينفەكتسياسىنا قان تاپسىرىپ, 15 مينۋتتىڭ ىشىندە ناتيجەسىن بىلە الاتىنىنان دا حاباردار ەتتى. بۇل ساراپتاما بارىنە دە تەگىن جاسالاتىنىن اتاپ وتكىمىز كەلەدى.

باقىتگۇل ءسالي

تاعىدا

ۇقساس جاڭالىقتار

پىكىر ۇستەۋ

Back to top button