استانادا قالا اكىمدىگىنىڭ قولداۋىمەن مۋزىكا مايتالمانى, قازاقستاننىڭ ەڭبەك سىڭىرگەن قايراتكەرى, «پاراسات» وردەنىنىڭ يەگەرى, پروفەسسور ايتقالي جايىموۆ اتىنداعى رەسپۋبليكالىق ءى ديريجەرلەر بايقاۋى باستالدى. ە.راحماديەۆ اتىنداعى مەملەكەتتىك اكادەميالىق فيلارمونياسى قازاق وركەسترىنىڭ كوركەمدىك جەتەكشىسى-باس ديريجەرى ايتقالي تىلەپقاليۇلىنىڭ 75 جاس مەرەيتويىنا ارنالعان بۇل بايقاۋ ءۇش كۇن بويى جالعاسادى.
بايقاۋدى استانا قالاسى مادەنيەت باسقارماسى باسشىسىنىڭ ورىنباسارى نۇران قامزين مەن ە.راحماديەۆ اتىنداعى مەملەكەتتىك اكادەميالىق فيلارمونياسىنىڭ باس ديرەكتورى ەرلان داكەنوۆ اشىپ بەردى.
– بۇل بايقاۋ استانانىڭ مادەني ومىرىندە لايىقتى ورنىن الادى دەپ سەنەمىن. قازىلار القاسىنا – ءادىل باعا, قاتىسۋشىلارعا ساتتىلىك, ايتقالي اعاعا قاجىماس قايرات, زور دەنساۋلىق, شىعارماشىلىق تابىستار تىلەيمىن! – دەگەن نۇران قامزين بايقاۋدىڭ اشىلۋىمەن قۇتتىقتادى.
ەرلان داكەنوۆ ءوز تاراپىنان وسى بايقاۋدى ۇيىمداستىرۋ فيلارمونياعا ۇلكەن جاۋاپكەرشىلىك جۇكتەيتىنىن اتاپ ءوتتى. بۇل بايقاۋ العاشقى رەت ءوتىپ جاتقانىن ايتىپ, كونكۋرس قاتىسۋشىلارىنىڭ سانى جىلدان جىلعا ارتۋىنا, دەڭگەيىنىڭ وسۋىنە تىلەكتەستىگىن ءبىلدىردى. مەرەيتوي يەسىنىڭ يىعىنا قازاقى داستۇرمەن شاپان جاپتى.
ايتقالي جايىموۆ وسى بايقاۋدىڭ ۇيىمداستىرىلۋىنا قولداۋ كورسەتكەن قالا اكىمدىگىنە, قالالىق مادەنيەت باسقارماسىنا, فيلارمونيا باسشىلىعى مەن ۇجىمىنا, قازىلار القاسىنا العىس ايتتى.
ايتقالي جايىموۆ اتىنداعى رەسپۋبليكالىق ديريجەرلەر بايقاۋىنىڭ ماقساتى – ديريجەرلىك ونەردى قولداۋ, دامىتۋ, ناسيحاتتاۋ جانە ونىڭ دامۋىنداعى ساباقتاستىقتى قامتاماسىز ەتۋ; قوعام نازارىن زاماناۋي ديريجەرلىك ورىنداۋشىلىق ونەرگە اۋدارۋ, ونى ۇلتتىق مادەنيەت, مادەني مۇرا قۇندىلىقتارىنا قوسۋ; كاسىبي ورتاداعى تاجىريبە الماسۋ مەن شىعارماشىلىق بايلانىستى دامىتۋ ءۇشىن دارىندى جاستاردىڭ كاسىبي شەبەرلىگىن ارتتىرۋ. بايقاۋ ەكى كەزەڭنەن تۇرادى. ونىڭ بارىسىندا استانا قالاسى مەن الماتى, وسكەمەن, اتىراۋ, كوكشەتاۋ, قاراعاندى, پاۆلودار قالالارىنان كەلگەن جاس ماماندار, جالپى وننان استام قاتىسۋشى ەلوردالىق فيلارمونيانىڭ قازاق وركەسترىمەن جۇمىس ىستەپ, ديريجەرلىك باسقارۋ شەبەرلىگىن كورسەتۋى ءتيىس. بايقاۋ جەڭىمپازى 1 ملن تەڭگەگە يە بولادى.
