دەنساۋلىق

دونور جۇرەكتىلەردىڭ دەنساۋلىقتارى ءتاۋىر

X5_rGNJMbwk

ورتالىق كوممۋنيكاتسيالار قىزمەتىنىڭ كەشە وتكەن كەزەكتى بريفينگىنە دەنساۋلىق ساقتاۋ جانە الەۋمەتتىك دامۋ مينيسترلىگى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ديرەكتورى ءسالىم بەركىنباەۆ, ۇلتتىق عىلىمي مەديتسينا ورتالىعىنىڭ كارديولوگيالىق جانە كارديوحيرۋرگيالىق قىزمەتىن ۇيلەستىرۋ ءبولىمىنىڭ باسشىسى ساۋلە ابسەيىتوۆا جانە سالاۋاتتى ءومىر سالتىن قالىپتاستىرۋ جونىندەگى ۇلتتىق ورتالىق ديرەكتورى ءجاميلا باتتاكوۆا قاتىستى.

جۇرەك-قان تامىرلارى اۋرۋلارىنىڭ الدىن الۋ تۋرالى باسقوسۋدا ءسالىم بەركىنباەۆ ەلىمىزدىڭ ەمدەۋ-الدىن الۋ ۇيىمدارىندا قۇرىلعان دەنساۋلىق مەكتەپتەرىنىڭ سانى بۇگىندە 3600-دەن اسقانىن مالىمدەدى. ونىڭ ىشىندە ارتەريالدى گيپەرتونيامەن اۋىراتىن ناۋقاستارعا ارنالعان 507 مەكتەپ بار كورىنەدى. جىل سايىن وندا 200 000-نان استام ناۋقاس دەنساۋلىقتارىن كۇتۋ, ەم-شارالاردى دۇرىس قابىلداۋ داعدىلارىنا ۇيرەنەدى. ينستيتۋت ديرەكتورى كەۋدەسىنە وزگە ادامنىڭ جۇرەگى سالىنعان قازاقستاندىقتاردىڭ جاعدايىن دا اڭگىمەلەدى. «قازاقستان جوعارى تەحنولوگيالاردى پايدالانا وتىرىپ, جۇرەككە وتە كۇردەلى وتا جاسايتىن ەلدەردىڭ اراسىندا 22-ورىندا تۇر. سونداي اسا قيىن وتالاردىڭ ءبىرى – جۇرەك قارىنشاسىنا يمپلانتاتسيا جاساۋ. 2011 جىلدىڭ قاراشاسى مەن 2014 جىلدىڭ ماۋسىم ايى ارالىعىندا 124 ناۋقاسقا وسىنداي كۇردەلى وپەراتسيا جاسالدى. قازاقستان بويىنشا دونور جۇرەگى بار جەتى ادامنىڭ جاعدايى جاقسى» دەدى ول.

جيىندا ءسوز العان ۇلتتىق عىلىمي مەديتسينا ورتالىعى  كارديولوگيالىق جانە كارديوحيرۋرگيالىق قىزمەتىن ۇيلەستىرۋ ءبولىمىنىڭ باسشىسى ساۋلە ابسەيىتوۆا «سالاماتتى قازاقستان» باعدارلاماسى اياسىندا 22 قىركۇيەكتەن بەرى ەلىمىزدە بۇكىلالەمدىك جۇرەك كۇنىنە ورايلاستىرىلعان قان اينالىمى جۇيەسى اۋرۋلارىنىڭ الدىن الۋ ونكۇندىگى ءوتىپ جاتقانىن ايتتى. ونىڭ مالىمەتىنشە, ونكۇندىك بارىسىنداعى شارالار جۇرەك-قان تامىرلارى اۋرۋلارىن ازايتۋعا باعىتتالىپ وتىر.

سالاۋاتتى ءومىر سالتىن قالىپتاستىرۋ جونىندەگى ۇلتتىق ورتالىق ديرەكتورى ءجاميلا باتتاكوۆا جىل سايىن 2 ميلليونعا جۋىق حالىق سكرينينگتىك باعدارلاما بويىنشا جۇرەكتەرىن تەكسەرتەتىنىن ايتتى. بۇل كورسەتكىش بيىلعى العاشقى التى ايدا 1 ميلليون 161 مىڭ ادامعا جەتكەن.

 اسحات رايقۇل

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button