ەلباسىنىڭ «جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىن قولداۋ ماقساتىندا قر پارلامەنت سەناتىنىڭ دەپۋتاتى مۇرات باقتيارۇلى №49 ورتا مەكتەپتىڭ وقۋشىلارىمەن كەزدەستى.
جۇزدەسۋ بارىسىندا سەناتور ماماندىق تاڭداۋ ماسەلەسى مەن ەڭبەككەرلىك جايىندا اڭگىمە ءوربىتتى. مەملەكەتتى العا باستىراتىن تەك قانا ەڭبەك ەكەنىن ەرەكشە اتادى. ۇلتىمىزدىڭ ارعى-بەرگى تاريحىنا قاتىستى دا بىرنەشە پىكىرلەرىن ورتاعا سالدى. «قانداي ماماندىق يەسى بولسا دا, ول كاسىبي دەڭگەيگە كوتەرىلە السا, ەلىمىزدىڭ تاۋەلسىزدىگىنە ءوز ۇلەسىن قوسادى. سوندىقتان, ماماندىق تاڭداۋ ماسەلەسىندە جاستار دۇرىس شەشىم جاساۋى كەرەك» دەدى سەناتور.
ەلباسى ن.نازارباەۆ ءوزىنىڭ «جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا دا قوعامداعى ەڭبەكتىڭ الاتىن ورنىن ايرىقشا باعالاعانى بەلگىلى. سول ءۇشىن ەلباسى جاستارعا ەڭبەك ەتۋدى, ەڭبەك ارقىلى بيىك پاراسات دەڭگەيىنە جەتۋدى مىندەتتەپ وتىر. مۇرات باقتيارۇلى دا جاستاردىڭ ەرتەڭى ەڭبەكتە ەكەنىن باسا ايتتى.
جالپى, شارانىڭ وتۋىنە وسى مەكتەپتىڭ تاريح ءپانىنىڭ مۇعالىمدەرى زاكيرا ەسالىقىزى مەن مادينا نۇرجانوۆا اتسالىستى.
اسحات رايقۇل
