استانا قالاسىنىڭ «№7 وليمپيادالىق رەزەرۆتى بالالار مەن جاسوسپىرىمدەردىڭ مامانداندىرىلعان سپورت مەكتەبىنىڭ» وقۋشىلارى ەكى حالىقارالىق جارىستان ەكى التىن مەدال اكەلدى.
جاقىندا تۇركىمەنستان استاناسى اشحاباد قالاسىندا سامبودان وتكەن ازيا چەمپيوناتىندا 65 كەلى سالماقتا ەل نامىسىن قورعاعان اقبوتا ارعىنعازينا چەمپيون اتاندى. وسى جارىسقا تىڭعىلىقتى دايىندالىپ بارعان استانالىق ارۋ بارلىق قارسىلاستارىنان باسىم ءتۇستى. ال جارتىلاي فينالدا, سونىمەن قاتار اقتىق بەلدەسۋدە كەرەمەت شەبەرلىگىمەن ءتانتى ەتتى. فينالعا شىعۋ جولىندا مالايزيا سپورتشىسىن 8:0 ەسەبىمەن تىزە بۇكتىرسە, التىن مەدال ءۇشىن ايقاستا بوز كىلەمنىڭ يەسى, ياعني, تۇركىمەنستان بالۋانىمەن بەتپە-بەت شىقتى. وتە تارتىستى وتكەن وسى كەزدەسۋدە اقبوتا ارعىنعازينا قارسىلاسىن تازا لاقتىرىپ جەڭىسكە جەتتى. ازيا چەمپيونىنىڭ قۇرمەتىنە اشحاباد تورىندە قازاقستان ءانۇرانى شىرقالدى. بۇل جەڭىس – باپكەرى ءارى اكەسى جاڭاباتىر ايتقۇلوۆتىڭ دا جەڭىسى ەكەنى ءسوزسىز.
وسى سپورت مەكتەبىنىڭ تاعى ءبىر شاكىرتى الەكسەي ماگدەەۆ تە حالىقارالىق جارىستىڭ جەڭىمپازى اتانىپ كەلدى. جاس سپورتشى شۆەتسيانىڭ يوپچەپەنگ قالاسىندا تاي بوكسىنان وتكەن جاستار اراسىنداعى الەم چەمپيوناتىندا توپ جاردى. استانالىق سپورتشى 45 كەلى سالماقتا قارسىلاس شاق كەلتىرمەي, التىن مەدال يەلەندى. الەكسەيدىڭ بۇل جەڭىسىنە باپكەرى دياس قابدۋوۆ تا ورتاق.
عالىم قوجابەكوۆ
