كەشە استانا قالالىق ءماسليحاتىنىڭ ءماجىلىس زالىندا ەكولوگيا مەن قورشاعان ورتانى قورعاۋ ماسەلەلەرى جونىندەگى سەسسيا وتىرىسى بولدى.
قالالىق ءماسليحاتتىڭ كەزەكتى ەلۋ ءتورتىنشى سەسسياسىنا استانا اكىمىنىڭ ورىنباسارى قوسمان ايتمۇحامەتوۆ, ەلوردالىق اۋدان اكىمدەرى, كاسىپورىن باسشىلارى, پارلامەنت پەن سەنات دەپۋتاتتارى جانە بۇقارالىق اقپارات قۇرالدارىنىڭ وكىلدەرى قاتىستى.
جيىندى استانا قالالىق ءماسليحاتىنىڭ حاتشىسى سانسىزباي ەسىلوۆ جۇرگىزىپ وتىردى. قالا اكىمىنىڭ ورىنباسارى ق.ايتمۇحامەتوۆ «استانا قالاسى اكىمدىگىنىڭ ەكولوگيالىق قاۋىپسىزدىگى جانە قورشاعان ورتانى قورعاۋدى قامتاماسىز ەتۋ جونىندەگى قىزمەتى تۋرالى» بايانداما جاساپ, قويىلعان سۇراقتارعا جاۋاپ بەردى. بايانداماشىنىڭ ايتۋى بويىنشا, 2014 جىلى اتموسفەرالىق اۋاداعى قوقىس مولشەرى 165 مىڭ تونناعا دەيىن جەتكەن. ال ونىڭ جارتىسىنان كوبى (55,6%) اۆتوكولىك قۇرالدارىنان شىقسا, قالعان بولىگى جەو جانە باسقا دا كاسىپورىندار
تيەسىلى. سونىمەن بىرگە, اعىمداعى جىلدىڭ ناۋرىز ايىنان باستاپ قوقىستاردى بولەك جيناۋدىڭ قاناتقاقتى جوباسى جۇزەگە اسىرىلا باستاعان.
سونداي-اق, بۇدان دا باسقا ماسەلەلەر تالقىلاۋعا ءتۇسىپ, جاۋاپتى تۇلعالارعا سىن-ەسكەرتپەلەر ايتىلدى. قالالىق ءماسليحاتتىڭ سەسسياسىندا ايتىلعان ۇسىنىستار مەن پىكىرلەر بويىنشا ءبىراۋىزدان شەشىم قابىلداندى.
كۇنايىم ساكەن
