استانا – بۇكىل قازاقستان جەتىستىگىنىڭ ستراتەگياسى مەن تاكتيكاسى. تاۋەلسىزدىك جىلدارى ەلوردا ەكونوميكالىق دامۋدىڭ اسا جوعارى قارقىنىن كورسەتتى, بۇل ۋاقىت ىشىندە جالپى ايماقتىق ءونىمنىڭ كولەمى 54 ەسە ءوستى.
16 جىل ىشىندە ەلوردادا كولەمى 12 ميلليون شارشى مەتردەن استام جاڭا تۇرعىن ءۇي سالىندى. استانادا قازاقستاننىڭ جاڭا يننوۆاتسيالىق ەكونوميكاسىنىڭ نەگىزى قالانىپ, ەلىمىزدىڭ ونەركاسىپ سالاسىندا كوشباسشىسى بولىپ وتىر.
بۇگىنگى كۇنى بارلىعىمىز ءۇشىن زاماناۋي قازاقستاننىڭ دامۋىندا ءبىزدىڭ استانانىڭ ءرولى وراسان ەكەنى انىق. بۇل تۋرالى ساراپشىلار دا, قاراپايىم ادامدار دا ايتۋدا
استانانىڭ ەكونوميكالىق الەۋەتىنىڭ ۇلەسى قازاقستاننىڭ جالپى ىشكى ءونىمىنىڭ 9,5%-ىن قۇرايدى. بۇل كورسەتكىش بويىنشا استانا ەلىمىزدە 3-ورىندا تۇر. استانا تۇرعىندارىنىڭ جان باسىنا شاققاندا ءىاو 26,8 مىڭ اقش دوللارىنا جەتتى.
ەلوردا ەكونوميكاسىنىڭ نەگىزىن قىزمەت كورسەتۋ جانە ساۋدا سالالارى قۇرايدى, 2013 جىلدىڭ ناتيجەسى بويىنشا ولار 87,2%-دى, كاسىپورىن سالاسى بويىنشا 12,8%-دى كورسەتىپ وتىر.
سوڭعى 16 جىل ىشىندە ونەركاسىپ ءوندىرىسىنىڭ كولەمى 1998 جىلى 16,5 ملرد تەڭگەدەن 2013 جىلدىڭ قورىتىندىسى بويىنشا 263,2 ملرد تەڭگەگە دەيىن ءوستى.
ەلوردادا «استانا – جاڭا قالا» ارنايى ەكونوميكالىق ايماعى جۇمىس ىستەيدى, ونىڭ كولەمى – يندۋستريالدىق پارك پەن اكىمشىلىك اۋماقتى قامتىعاندا 7562,3 گا. قازىرگى ۋاقىتتا يندۋستريالدىق پاركتىڭ اۋماعىندا جالپى ينۆەستيتسيا كولەمى 180,4 ملرد تەڭگەنى قۇرايتىن 49 ينۆەستيتسيالىق جوبا جۇزەگە اسىرىلۋدا.
كاسىپكەرلىكتىڭ ورتا جانە شاعىن بيزنەس سالالارى قارقىندى دامۋدا, بۇل سەكتورلاردا جۇمىسقا تارتىلعاندار 2005 جىلعا قاراعاندا 1,9 ەسەگە ءوسىپ, 189,3 مىڭ ادامدى قۇراپ, شىعارىلاتىن ءونىم كولەمى بۇل مەرزىمدە 6,2 ترلن تەڭگەگە جۋىقتادى. جىل سايىن بۇل سالادا 60%-دان استام جاڭا جۇمىس ورنى اشىلۋدا.
ەكونوميكا جانە الەۋمەتتىك-مادەني سالالاردا شەتەلدىك ارىپتەستەرمەن ىنتىماقتاستىقتىڭ كەڭەيۋى – قالانىڭ قارقىندى دامۋىنىڭ باستى فاكتورى.
قازىرگى ۋاقىتتا قالادا شەتەل كاپيتالىنىڭ قاتىسۋىمەن 1 355 كاسىپورىن جۇمىس ىستەيدى, 42 باۋىرلاس قالالارمەن قارىم-قاتىناس ورناتۋ تۋرالى كەلىسىمدەر جاسالعان.
ەكونوميكالىق مىندەتتەردى ويداعىداي شەشۋ قالا بيۋدجەتىنىڭ تۇراقتى جانە ورنىقتى ورىندالۋىن قامتاماسىز ەتۋگە ىقپال ەتتى. بۇگىنگى كۇنى مەملەكەتتىك بيۋدجەتتىڭ ءتۇسىمى 1999 جىلدىڭ دەڭگەيىنەن 18,8 ەسەگە ءوسىپ وتىر, ونىڭ ىشىندە رەسپۋبليكالىق بيۋدجەت – 26,9, جەرگىلىكتى بيۋدجەت – 9,4 ەسەگە جوعارى.
تۇرعىنداردىڭ ءال-اۋقاتىنىڭ جاقسارۋىن ورتاشا جالاقىنىڭ وسۋىنەن دە بايقاۋعا بولادى, 1998 جىلمەن سالىستىرعاندا ول 12,3 ەسەگە ارتىپ, 158 899 تەڭگەنى قۇرادى.
