ەل مۇراسى – ۇرپاققا امانات
قازىرگى تاڭدا تەحنوكراتيالىق ويلاۋ جۇيەسى قالىپتاسىپ, جوعارى دارەجەدەگى قارقىنمەن دامۋدا. وسى تۇستا مەملەكەتتىڭ جانە قوعامنىڭ سانالى وكىلدەرى وتكەن تاريحي كەزەڭدەردەگى دەرەكتەردى بولاشاق ۇرپاققا جەتكىزۋ ماقساتىندا ساقتاپ قالدىرۋ جاۋاپكەرشىلىگىنە ەرەكشە ءمان بەرىپ, ءبىرشاما ءىس-شارالار جاساۋدا.
قوعامدىق قاتىناستاردىڭ دامۋى اقپاراتتىق رەسۋرستارعا دەگەن سۇرانىستاردى ارتتىرىپ وتىر. اقپاراتتىق رەسۋرستاردىڭ قوعام ومىرىندەگى شىنايى ءمانى زور اقپاراتى بار قۇجاتتاردىڭ ۇلكەن جيىنتىعىن ساقتايتىن مۇراعات مەكەمەلەرى ەكەنى راس.
ادەتتە, وركەنيەتكە ۇمتىلعان مەملەكەت حالىقتىڭ ەستەلىك قۇجاتتارىن ساقتاۋعا ارقاشاندا مىندەتتى. استانا قالاسىنىڭ نوتاريۋستارىنا جانە قوعام مەن ازاماتتاردىڭ مۇددەسى ءۇشىن وسىنداي جۇيەنىڭ قاجەتتىگى كۇن سايىن سەزىلە ءتۇستى. بۇل ورايدا قازاقستان رەسپۋبليكاسىنىڭ «نوتاريات تۋرالى» زاڭىنىڭ 15 جىلدىق مەرەكەسىنە بايلانىستى 2012 جىلدىڭ شىلدە ايىنىڭ 12-جۇلدىزىندا استانا قالاسىنداعى جەكە نوتارياتتىق مۇراعات سالتاناتتى تۇردە اشىلىپ, ءوز قىزمەتىن اتقارۋدا.
نوتارياتتىق مۇراعات ورنالاسقان ءۇيجاي – بۇكىل قازاقستان بويىنشا مەملەكەتتىك ستاندارتتار مەن تالاپتارعا ساي جوعارى تەحنولوگيالىق مۇراعاتتىق قۇندىلىقتارمەن جابدىقتالعان بىردەن-ءبىر مەكەمە. مۇندا ەلىمىزدىڭ نوتاريالدىق قۇندى قۇجاتتارىن ساقتاۋ ءۇشىن سوڭعى ۇلگىدەگى قوزعالمالى سورەلەر, تەحنيكالىق قۇرال-جابدىقتار, ءورت دابىلى, ءورت ءسوندىرۋ جابدىقتارىمەن تولىقتاي جابدىقتالعان. وسى جىلى استانا قالاسى نوتارياتتىق پالاتاسىنىڭ مۇشەلىگىنەن شىققان جانە قايتىس بولعان نوتاريۋستاردىڭ 2524 مۇراعاتتىق قۇجاتتارى قابىلداندى. سونىمەن قاتار, سارعايعان نوتاريالدىق اقتاڭداقتارعا جاڭا عۇمىر سىيلاعان نوتارياتتىق مۇراعاتتىڭ قورىنا 2013 جىلدىڭ 29 ءساۋىرىنەن باستاپ استانا قالاسى نوتاريۋستارىنىڭ 1998-2002 جىلدار ارالىعىندا جاسالعان نوتاريالدى مۇراعاتتىق قۇجاتتارى تاپسىرىلۋدا.
قازىرگى تاڭدا نوتارياتتىق مۇراعاتتىڭ قىزمەتكەرلەرى نوتاريالدى مۇراعاتتىق قۇجاتتارعا عىلىمي-تەحنيكالىق وڭدەۋ, قۇجاتتاردى قايتا قالپىنا كەلتىرۋ, مۇراعاتتىق قۇجاتتارعا ىشكى تىزىمدەمە جاساۋ, تۇراقتى, 75 جىل جانە ۇزاق مەرزىمدى (25 جىل ساقتالاتىن قۇجاتتار) ساقتالاتىن قۇجاتتاردىڭ تىزىمدەمەسىن جاساۋ, ۋاقىتشا ساقتاۋداعى قۇجاتتاردىڭ ساقتاۋعا جاتپايتىن قۇجاتتاردى جويۋعا ءبولۋ تۋرالى اكتىلەرىن جاساۋ, قور بەرۋ جۇمىستارىن جۇرگىزۋدە. الداعى ۋاقىتتا مۇراعاتىمىز ءوز جۇمىسىن ودان ءارى دامىتۋدى جوسپارلاپ, ۇلكەن جەتىستىكتەرگە جەتۋدى كوزدەپ وتىر. مۇراعات قورىنا كەلىپ تۇسكەن قۇجاتتاردى جيناقتاپ, ولاردىڭ فيزيكالىق جانە بيولوگيالىق جاعدايىن تەكسەرەدى. ەگەر قۇجاتتار ەسكىرىپ نەمەسە بيولوگيالىق اسەرگە ۇشىراپ, بۇلىنگەن جاعدايدا قۇجاتتاردى قايتا قالپىنا كەلتىرۋ جۇمىستارىن ىسكە اسىرادى. ءبىر سوزبەن ايتقاندا, نوتارياتتىق مۇراعات قىزمەتكەرلەرىنىڭ الدىندا تۇرعان ۇلكەن مىندەت – وسىناۋ قۇندى قۇجاتتارعا يە بولۋ. سونداي-اق, ەلىمىز, ۇلتىمىزدىڭ ۇرپاعى, بولاشاعىمىزدىڭ تاريحى ءۇشىن ايانباي ەڭبەك ەتىپ, توم-توم بولىپ جينالىپ جاتقان قۇجاتتاردى كەلەشەككە امانات رەتىندە جەتكىزۋ مۇراعاتشىلاردىڭ مىندەتى ەكەنىن ايتقىم كەلەدى.
يبرايم باباەۆ,
استانا قالاسى جەكە نوتارياتتىق مۇراعاتىنىڭ ديرەكتورى